Sowel 1:4 - Chuukese Bible

⁴ Mine ekewe muunen lifichimas ra likitala seni uän ämi ira, ekewe lifichimas mi äsfeil ra eni. Nge mine ekewe lifichimas mi äsfeil ra likitala, ekewe lifichimas mi mwetemwet ra eni. Nge mine ekewe lifichimas mi mwetemwet ra likitala, ekewe lifichimas mi atai meinisin ra eni.

Sowel 1:4 Iomraidhean Croise

1. King 8:37

Iwe, are a fis lengita lon ewe fanü, are a wor mätter ika moi ika mesenipik ika lifichimas ika muun, are chon oputer repwe pwelifeili eu lein ar kewe telinimw fän pisekin maun, ese lifilfil meni sokun riaföü ika samau a fis,

2. Kronika 6:28

Iwe, are a fis lengita lon ewe fanü, are a wor mätter ika moi ika mesenipik ika lifichimas ika muun, are chon oputeer repwe pwelifeili eu lein ar kewe telinimw fän pisekin maun, ese lifilifil met sokun riaföü ika samau a fis,

2. Kronika 7:13

Are üsap apüngätiu üt me läng, ika üa tinala ekewe lifichimas, pwe repwe enala irän ewe fanü, ika üa tinala mätter lein nei aramas,

Kölfel 105:34

Iwe, a kapas, nge ekewe lifichimas ra war, pwal ekewe kükün lifichimas resap lea.

Kölfel 78:46

A amongöü ngeni ekewe müün fotar irä, nge ekewe lifichimas ra eni uän ar tanipi.

Ekistos 10:4

Pun ika kosap mochen mwüt ngeni nei aramas pwe repwe feila, lesor üpwe le awarato lifichimas lon fanüom.

Ekistos 10:5

Repwe pwölüela unusen ewe fanü, pwe ewe pwül esap chüen ling. Iwe, repwe eni met lusun ewe ütten fau esap atai, repwe pwal eni fotämi irä meinisin mi nom lemäl.

Aisea 33:4

Iwe, aramas repwe ürüng won mine ekewe chon maun ra likitala pwe choon wokur, usun chök lifichimas ra ässiti mettoch, repwe pwal mweteri liaper usun chök lifichimas.

Jeremaia 51:14

Ewe Samol mi Unusen Manaman a eäni akapel püsin itan o apasa, “Ellet, üpwe tinala aramas mi chomong usun chomongun lifichimas, pwe repwe maun ngeni Papilon. Repwe iöfotäsini ar win won chon Papilon.

Jeremaia 51:27

Oupwe aarü pwe repwe maun o ettiki ewe rappwa me lein chon ekewe mwü. Oupwe eteri chon ekewe mwü pwe repwe maun ngeni Papilon, o kökkörifengeni chon ekewe mwün Ararat, Mini me Askenas, pwe repwe maun ngeni. Oupwe awisa eman meilapen sounfiu pwe epwe emweni ewe mwichen maun, oupwe pwal emwenätä ekewe oris usun chök chomongun pwiin lifichimas.

Sowel 2:25

“Iwe, üpwe aliwini ngenikemi mine ekewe lifichimas mi äsfeil, ekewe mi mwetemwet o kata, pwal mine ekewe muunen lifichimas ra eni lon ekewe ier. Ir nei mwichen sounfiu mi chomong üa tinato remi.

Amos 4:9

Üa awarato moi me mesenipik won tanipimi me ämi tanipin wain pwe repwe atarala. Ekewe lifichimas ra enala ämi kewe irä fiik me irä olif. Iei mwo nge ämi ousap liwinto rei.

Amos 7:1

Iwe, a wor künaei seni Kot ewe Samol mi Lapalap. Üa küna pwe a föri epwi pwiin lifichimas mürin chök än ewe king fetil a pöküpök, nge ewe fetil mi fö ekärän pwükütä.

Malakai 3:11

Ngang üsap mwüt ngeni ekewe lifichimas pwe repwe atai uän ämi pwül, nge ämi kewe irän wain mi nom lemäl repwe ukua.

Tuteronomi 28:38

Iwe, oupwe amorafeili chomong föün irä lon ämi tanipi, nge kiniemi ua repwe chokükün, pun ekewe lifichimas repwe chök eni.

Tuteronomi 28:42

Ekewe lifichimas repwe eni ämi kewe irä meinisin me uän ämi pwül.