Sowel 1:12 - Chuukese Bible

¹² Iwe, ewe irän wain a pwasala, ewe irä fiik a mäla. Ekewe irä palm, ekewe irä apel me ringo, pwal ekewe lusun irän lemäl meinisin ra pwasala. Iwe, esap chüen wor än aramas pwapwa.

Sowel 1:12 Iomraidhean Croise

Kölfel 4:7

Ka fen ngeniei pwapwa mi lap seni än chokewe pwapwa ren kinier wiich me ünümer wain mi somwola.

Kölfel 92:12

Ekewe chon pwüng repwe aümanau usun ewe irä palm, repwe mämäritä usun efoch irä setar won Lepanon.

Än Salomon Köl 2:3

Ätewe mi wor tongan me rei a nom lein ekewe alüal usun chök efoch apel lein wöllap. Üa fokun pwapwa le mot fän nürün, nge uan a arar, lupwen üa ochei.

Än Salomon Köl 4:13

Om kewe irä mi märitä lon ra wewe ngeni eu tanipin apel ra uäni sokun uän irä mi mürina. Ra pwal mär lon ekewe irä mi pwokus iter henna me nart,

Aisea 16:10

Iwe, esap chüen wor pwapwa me mwänek won ekewe fanü mi pwülüöch, esap pwal chüen wor kölün mweir lon ekewe tanipin wain. Esap wor eman a föri angangen üchüch föün wain, nge kökkön resin wain a kaüla.

Aisea 24:11

Aramas ra akürang won ekewe al, pun esap chüen wor ünümer wain. Iwe, pwapwa a wesila, esap chüen fis mwänek won ewe fanü.

Aisea 24:7

Ewe irän wain a pwasala, ewe wain a rosola, nge chon letipepwapwa ra ngüngü.

Aisea 9:3

En ka achomonga pwapwan ekewe aramas o alapala ar mwänek. Ra pwapwa fän mesom usun chök ar pwapwa lupwen fansoun räs, pwal usun mwän ra pwapwa, lupwen ra ineti liaper lon maun.

Jeremaia 48:3

Oupwe rongorong eu puchör seni Horonaim, pokiten a fis angangen kata me afeiengau watte.

Jeremaia 48:33

Pwapwa me meseik ra katowu seni ewe fanü Moap mi pwülüöch. Üa aükätiu puupuun wain seni ewe lenien wüchüch. Esap wor eman epwe puri ekewe föün irän wain fän mweireiren pwapwa. Ika mwo epwe wor mweir, nge esap mweireiren pwapwa.

Sowel 1:10

Iwe, ekewe tanipi ra tala, nge ewe pwül a masua. Ekewe irän wiich ra tala, ewe wain me ewe apüra seni föün olif ra morola.

Sowel 1:16

Ifa usun, ousap küna pwe a rosola enemi mongö? Esap pwal chüen wor pwapwa me mweireir lon imwenfelin ach we Kot.

Sona 4:7

Iwe, lupwen a tötä mallen rän, Kot a tinato eman man pwe epwe eni uapwalen ewe irä, pwe a pwasala o mäla.

Akai 2:19

Inamwo ika esap chüen wor föün wiich lon ämi lenien iseis, nge ekewe irän wain me fik me apel me olif resap mwo ua. Nge seni ikenai üpwe afeiöchükemi.”

Malakai 3:11

Ngang üsap mwüt ngeni ekewe lifichimas pwe repwe atai uän ämi pwül, nge ämi kewe irän wain mi nom lemäl repwe ukua.

Numperis 13:23

Iwe, ra tori ewe lemolun Eskol, ewe ia ra kini me ie eumw umwun föün wain mi umwumong. Iwe, ruoman leir ra ämwära won efoch ämwär. Ra pwal uwato ekoch föün apel me föün fiik.