Sowel 1:11 - Chuukese Bible

¹¹ Oupwe rükö, ämi chon tu pwül, oupwe pwal kechü, ämi chon tanipini irän wain. Oupwe kechüeiti ekewe irän wiich me parli, pun esap chüen wor resin fanüemi.

Sowel 1:11 Iomraidhean Croise

Aisea 17:11

Inamwo are kopwe apwükü ekewe irä lon ewe chök rän, are kopwe pwal ämäriretä pwe ra sot lesosorun ewe rän ka fotukiir, esap fokun wor mine kopwe kini seniir. Epwe chök wor samau me metek esap ükütiu.

Jeremaia 14:2

“Juta a letipeta, an kewe telinimw ra mwatötö. Ekewe aramasen Juta ra kechü lepwül, nge chon Jerusalem ra siö.

Jeremaia 50:16

Oupwe ärala seni Papilon ätewe mi amwora pwükil, pwal ätewe mi kinikin uän irä lon fansoun kinikin. Ekewe chon siamü repwe en me liwiniti püsin aramasan o süla ngeni poputän fanüan, pokiten ra niuokusiti ekewe chon maun.”

Jeremaia 9:12

Iwe, üa ais, “Ai Samol mi Lapalap, pwota ewe fanü a tala o pönüla usun eu fanüapö, pwe esap wor eman a pwerela lon? Iö a tipachem pwe epwe tongeni weweiti ei? Nge iö ka awewe ngeni, pwe epwe tongeni awewe ngeni aramas?”

Isikiel 30:2

“Nöün aramas, kopwe osuni o apasa pwe iei aloi ngang Kot ewe Samol mi Lapalap: Oupwe ngüngüres usun ewe ränin feiengau.

Amos 5:16

Nge pokiten ämi tipis, Kot ewe Samol mi Unusen Manaman a apasa, “Epwe wor ngüngüres lon ekewe lenien chulap me lon ewe telinimw me puchörün riaföü me lon ekewe al meinisin. Repwe köri ekewe chon angang lon tanipi pwe repwe feila o ngüngüres, fiti chokewe mi angei liwinir le eäni ekewe kölün kechü.

Nöün Paulus Toropwe ngeni ekewe Souläng lon Rom 5:5

Ei apilükülüköch esap alichipwüngükich, pun Kot a iselong lon letipach an we chen ren ewe Ngünmifel, ewe i a lifang ngenikich.