Sowel 1:10 - Chuukese Bible

¹⁰ Iwe, ekewe tanipi ra tala, nge ewe pwül a masua. Ekewe irän wiich ra tala, ewe wain me ewe apüra seni föün olif ra morola.

Sowel 1:10 Iomraidhean Croise

Keneses 4:12

Lupwen om kopwe tanipini ewe fanü, esap chüen ngonuk uän fotom. Kopwe nomofetal o süsüfeil won fanüfan.”

Aisea 15:6

Iwe, ekewe kolukun Nimrim ra pwasala, ewe fetil ünükür a ol, esap fokun chüen wor fetil mi pwüküfö.

Aisea 24:11

Aramas ra akürang won ekewe al, pun esap chüen wor ünümer wain. Iwe, pwapwa a wesila, esap chüen fis mwänek won ewe fanü.

Aisea 24:7

Ewe irän wain a pwasala, ewe wain a rosola, nge chon letipepwapwa ra ngüngü.

Jeremaia 12:11

Ra awili ngeni eu fanüapö, a pöön o pwasapwas me fän mesei. Unusen ewe fanü a pö, nge esap wor eman a ekieki usun.

Jeremaia 12:4

Ifa ükükün fansoun än ewe fanü epwe pwasapwas, nge fetilin lon iteiten mälämäl epwe pwasala? Ekewe man me mansüsü ra ärela pokiten ekewe aramas mi nom lon ewe fanü ra föföringau, ir ekewe aramas mi apasa, “Kot esap küna mine sa föri.”

Jeremaia 48:33

Pwapwa me meseik ra katowu seni ewe fanü Moap mi pwülüöch. Üa aükätiu puupuun wain seni ewe lenien wüchüch. Esap wor eman epwe puri ekewe föün irän wain fän mweireiren pwapwa. Ika mwo epwe wor mweir, nge esap mweireiren pwapwa.

Osea 4:3

Iei mine ewe fanü a pwasapwas, nge meinisin mi nonom won ra mäla fiti ekewe mönün lemäl me ekewe machang. Pwal ekewe ikenen leset ra mäla.

Osea 9:2

Nge epwe müttir war ewe fansoun pwe esap chüen naf ämi wiich me ämi apüra seni föün olif, esap pwal wor ünümemi wain.

Sowel 1:12

Iwe, ewe irän wain a pwasala, ewe irä fiik a mäla. Ekewe irä palm, ekewe irä apel me ringo, pwal ekewe lusun irän lemäl meinisin ra pwasala. Iwe, esap chüen wor än aramas pwapwa.

Sowel 1:5

Oupwe nenela o kechü, ämi chon pulas, oupwe ngüngüres, ämi meinisin mi ünümi wain, pun esap chüen wor ünümemi wain mi arar.

Sowel 2:19

Iwe, epwe üreniir, “Iei üpwe ngenikemi wiich, wain me apüra seni föün olif tori epwe ku ngenikemi. Ousap chüen küna itengau me lein chon ekewe mwü.

Lifitikos 26:20

Epwe solapmwälila ämi pöchökül le angang ngeni ewe pwül, pun irän fanüemi resap mämäritä, resap pwal ua.

Apakuk 3:17

Inamwo ika ewe irä fiik esap sot, esap pwal wor ua won ekewe irän wain, inamwo ika ewe irä olif esap ua, esap pwal wor mongö seni ekewe tanipi, inamwo ika ekewe sip repwe ärela seni ewe lenien sip, esap pwal wor kow lon lenier,

Akai 1:11

Iwe, üa awarato eu fansoun pwasapwas won ewe fanü, won ekewe chukuchukutä me ekewe tanipin wiich, won ekewe tanipin wain me ekewe irä olif, pwal won meinisin mine a märitä won ewe fanü. Üa pwal awarato eu fansoun pwasapwas won aramas me man kana, pwal won ar angang meinisin.”

Malakai 2:3

Nengeni, üpwe apwüngü mwirimwirimi kewe, üpwe tofi ngeni won mesemi kiten enen ämi kewe mönün asor o atowukemi seni fän mesei.