Soukapwüng 9:7 - Chuukese Bible

⁷ Lupwen ei pworaus a tori Jotam, a feila o ütä won ungen ewe chuk Kerisim. Iwe, a leüömong le kökkö o kapas ngeniir, “Oupwe aüselingaei, ämi re Sikem, pwe Kot epwe pwal aüselingakemi.

Soukapwüng 9:7 Iomraidhean Croise

Keneses 37:6

Josef a üreniir, “Oupwe rongorong pworausen ai ei tan.

Än Salomon Fos 21:13

Eman mi pinei selingan seni än ekewe chon wöüngau siö epwe püsin siö, nge esap wor eman epwe rongorong.

Än Salomon Fos 28:9

Are eman esap aleasochisi ekewe allük, Kot epwe oput an iotek.

Aisea 1:15

Lupwen ämi oua aitietä pöümi le iotek, üsap nenengenikemi. Nge lupwen oua fen kapaspat lon ämi iotek, üsap fokun aüseling, pun oua lepöücha ren ämi niela aramas.

Johannes 4:20

Äm kewe lewo ra fel ngeni Kot won ei chuk, nge ämi chon Juta oua apasa pwe Jerusalem ina chök ewe leni ia aramas repwe fel ngeni Kot ie.”

Tuteronomi 11:29

Iwe, lupwen ewe Samol mi Lapalap ämi we Kot epwe emwenikemiilong lon ewe fanü oupwe le pwerelong lon pwe oupwe fanüeni, oupwe apasa ewe kapasen feiöch seni won ewe chuk Kerisim, nge ewe kapasen anümamau seni won ewe chuk Epal.

Tuteronomi 11:30

(Ekei chuk ra nom pekilan ewe chanpupu Jortan lotoun ewe al sasape ngeni epiläng lon fanüen chon Kanaan mi nonom lon Arapa awenewenen Kilkal ünükün ewe irä ook mi nom lon More.)

Tuteronomi 27:12

“Lupwen oua pwerela pekilan ewe chanpupu Jortan, ikei iten ekewe ainang repwe ütä me won ewe chuk Kerisim pwe repwe afeiöchü ekewe aramas: Simeon, Lefi Juta, Isakar, Josef me Peniamin.

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.

Josua 8:33

Iwe, ekewe chon Israel meinisin, ekewe souakom, ekewe meilap pwal ekewe soukapwüng fiti ekewe chon ekis mi nom rer ra ütä lepekin ewe pworofel me rüepek fän mesen ekewe souaso ir mwirimwirin Lefi mi mwärei än ewe Samol mi Lapalap we pworun pwon. Esopun ar mwich a ütä o sap ngeni ewe chuk Keresim, nge esop a ütä o sap ngeni ewe chuk Epal. Moses nöün ewe Samol mi Lapalap we chon angang a allük me lepoputän pwe repwe föri iei usun, lupwen repwe angei ewe feiöch.

Soukapwüng 9:6

Mürin, chon ewe telinimw Sikem meinisin me chon Pet-milo ra mwichefengen ren ewe üren achem fän ewe irä ook lon Sikem, o seikätä Apimelek pwe epwe nöür king.

Soukapwüng 9:8

A nonom, ekewe irä ra chufengen pwe repwe seikätä eman king, pwe epwe nemeniir. Iwe, ra üreni ewe irä olif, ‘Kopwe nemenikem.’