Soukapwüng 9:57 - Chuukese Bible

⁵⁷ Iwe, Kot a pwal föri pwe ekewe re Sikem ra angei chappen ar föföringau, usun Jotam nöün Kition we mwän a apasa lupwen a anümamaueer.

Soukapwüng 9:57 Iomraidhean Croise

2. Samuel 3:39

Inamwo ika üa eman king mi kepit, nge üa chök apwangapwang ikenai. Nöün Seruia kei mwän ra kon pöchökül mwei. Ewe Samol mi Lapalap epwe liwini ngeni ewe chon föföringau ükükün an föföringau.”

1. King 16:34

Iwe, lupwen fansoun än Ahap nemenem, Hiel seni Petel a aüsefälietä ewe telinimw Jeriko. Lupwen a föri longolongun, Apiram nöün we mwänichi a mäla, nge lupwen a förätä asamalapen tittin ewe telinimw, Sekup nöün we setiputur a mäla, usun Josua nöün Nun we mwän a fen apasa fän alon ewe Samol mi Lapalap.

1. King 2:32

Ewe Samol mi Lapalap epwe ukun ngeni Joap liwinin an föförün nimanauei aramas. Pun Tafit semei we esap silei usun an niela ruoman mwän mi pwüng o mürina seni püsin i: Apner nöün Ner we mwän ewe meilapen sounfiun Israel me Amasa nöün Jeter we mwän ewe meilapen sounfiun Juta.

Kölfel 7:17

Üpwe kilisou ngeni ewe Samol mi Lapalap pokiten an pwüng, üpwe pwal kölün mwareiti ewe Samol mi Lapalap, Ewe mi Unusen Tekia.

Kölfel 94:23

I epwe liwini ngeniir liwinin ar tipis o aroserela pokiten ar föföringau. Ewe Samol mi Lapalap ach Kot epwe aroserela.

Än Salomon Fos 5:22

Än ewe aramasangau föföringau ra püsin likatupu i, a oo lon püsin an tipis.

Aisea 3:11

Feiengauen ekewe chon föföringau! Repwe püsin küna feiengauer, pun mine ra föri epwe püsin sapeitiir.

Josua 6:26

Lon ei fansoun Josua a eäni ei pwon fän akapel ngeni chon Israel o apasa, “A anümamau me ren ewe Samol mi Lapalap eman mwän mi aüsefälietä ewe telinimw Jeriko. Iö a föri longolongun ewe telinimw, nöün mwänichi epwe mäla. Nge iö a apachätä asamalapan, nöün setiputur epwe mäla.”

Soukapwüng 1:7

Mürin, Atoni-pesek a apasa, “A wor fik king üa pöküela aütülapen pöür me pecher, ra achchupi ener me fän ai chepel. Usun üa föri ngeniir, iei usun Kot a pwal föri ngeniei.” Iwe, ra emwenala ewe king Jerusalem, nge a mäla ikenan.

Soukapwüng 10:1

Mürin än Apimelek mäla a ütä Tola nöün Pua we mwän, nge Pua nöün Toto mwän, pwe epwe angasa Israel. Tola eman mwän seni ewe ainangen Isakar a nom lon Samir won chukuchukutän ewe fanü Efraim.

Soukapwüng 9:20

Nge are esap iei usun, ekkei epwe küwu seni Apimelek o kenala chon Sikem me chon Pet-milo. Ekkei epwe pwal küwu seni chon Sikem me chon Pet-milo o kenala Apimelek.”

Soukapwüng 9:24

Ei a fis pokiten ewe föringau mi fis ngeni nöün Kition kewe fik mwän epwe wor chappan, pwe char epwe ukun Apimelek pwiir we mi nirela, epwe pwal ukun ekewe re Sikem mi apöchöküla ngeni pwe epwe niela pwin kewe.

Soukapwüng 9:45

Mürin, Apimelek a maun ngeni ewe telinimw lon unusen ewe rän tori a liapeni o niela aramasen lon. A pwal atai ewe telinimw o amorafeili salt won.

Soukapwüng 9:56

Iei usun Kot a ngeni Apimelek chappen an tipis a föri ngeni saman ren an püsin niela pwin kewe fik.