Soukapwüng 9:4 - Chuukese Bible

⁴ Iwe, ra ngeni Apimelek ükükün fik föün moni silifer seni lon ewe imwen Paal-perit. Nge ren ei moni Apimelek a möni mwän mi mwäneson me lomotongau, pwe repwe tapwela mürin.

Soukapwüng 9:4 Iomraidhean Croise

2. Samuel 6:20

Lupwen Tafit a liwiniti imwan pwe epwe afeiöchü chon an famili, Mikal nöün Saul we fefin a towu pwe epwe churi. Iwe, a üra, “Mwa met, ewe kingen Israel a püsin aitöchü ikenai. A püsin aselelai ikenai me fän mesen ekewe chon angang fefin nöün nöün kewe nöüwis, usun eman mi akkochofäsä a säwemang le püsin aselelai.”

2. Kronika 13:7

Iwe, ekoch mwän mi ngau esap wor aüchear ra chufengen ren, ra pöchökül le ü ngeni Rehopoam nöün Salomon we mwän, lupwen a chüen alüal o tipen olukat, pwe esap tongeni ü ngeniir.

Hiop 30:8

Ir nöün chokewe esap wor lomoter, eu mwichen aramas esap wor iter. Aramas ra fen asürela seni lon ewe fanü.

Än Salomon Fos 12:11

Eman mi angang won fanüan epwe wor chomong anan mongö, nge eman mi föri sokopaten angang mi lomotongau esap wor an mirit.

Sefanaia 3:4

Nöün kewe soufos ra tunosikesik o uren atuputup, nöün kewe souasor ra apiningaua mine a pin o fokun sorei än Kot allük.

Föför 17:5

Nge ekewe chon Juta ra lolowo. Iei mine ra achufengeni ekoch aramasangau seni won ekewe al o förätä eu mwichen afitikoko mi popuetä eu osukosuk lon ewe telinimw. Ra atalong imwen eman mwän itan Jason fän iten ar repwe kütta Paulus me Silas pwe repwe emweniirewu mwen ewe mwichen aramas.

Soukapwüng 11:3

Mürin, Jefta a sü seni pwin kewe o nom lon ewe fanü Top. Ikenan mwän mi lomotongau ra chu ngeni o etifetalei.

Soukapwüng 8:33

Mürin chök än Kition mäla, ekewe aramasen Israel ra kulsefäl seni Kot o fel ngeni ekewe anü Paal, ra pwal filätä Paal-perit pwe ar kot.

Soukapwüng 9:27

Iwe, ekewe aramas ra feila lon ar kewe tanipin wain o kini ekewe föün irän wain, ra pwal üchü ekewe föün o föri eu kametip. Iwe, ra feila lon imwen ar kot, ra mongö o ün, ra pwal eäni kapasen turunufas usun Apimelek.

1. Samuel 22:2

Pwal chokewe meinisin mi nom lon riaföü, meinisin mi wor ar liwinimang me meinisin mi kinamwengau ra chufengen ren, nge Tafit a nöür souemwen. Iwe, iteiten chokewe mi nom ren ina epwe ükükün föpükü mwän.