Soukapwüng 8:6 - Chuukese Bible

⁶ Nge ekewe meilapen Sukot ra apasa, “Ifa usun, ka fen liapeni Sepa me Salmuna, ina äm aipwe wisen ngeni noum kewe sounfiu pilawa?”

Soukapwüng 8:6 Iomraidhean Croise

Keneses 25:13

Ikkei iten nöün Ismael kewe mwän lon tettelin ar uputiu: Nepaiot ewe mwänichi, Ketar, Atpeel, Mipsam,

Keneses 37:25

Mürin, ra mottiu pwe repwe mongö. Nge lupwen ra chimwetä, ra küna eu mwichen chon Ismael me nöür kewe kamel ra feito me Kiliat. Iwe, ekewe kamel ra uwou sokun apach mi pwokus me säfei mi aüchea itan mör, pwe repwe uwala Isip.

Keneses 37:28

Nge lupwen ekewe chon amömö seni Mitian ra toriir, ra efietä Josef me lon ewe pwang o amömöla ngeni ekewe mwirimwirin Ismael ren rüe föün moni silifer. Iwe, ekewe chon Ismael ra uwala Josef Isip.

1. King 20:11

Iwe, ewe king Ahap a pälüeni, “Oupwe üreni Penhatat pwe esap inetamas.”

2. King 14:9

Nge Jehoas ewe kingen Israel a tinala ei pworaus ren Amasia ewe kingen Juta, “Efoch iräfölüföl mi nom won Lepanon a tiitiila ren efoch setar won Lepanon o apasa, ‘Kopwe mwütätä noum föpwül pwe nei alüal epwe pwülüeni.’ Nge eman manmwacho a pwerela ren o purätiu ewe iräfölüföl.

Än Salomon Fos 18:23

Lupwen eman chon wöüngau a tüngor, a eäni kapas pwetete, nge eman chon wöümong a eäni kapas pälüen mi pöchökül.

Filipi 2:21

Pun ekewe ekoch ra chök ekieki püsin ar, nge resap ekieki usun ewe angangen Jesus Kraist.

Soukapwüng 5:23

‘Oupwe anümamaua chon ewe telinimw Meros,’ nöün ewe Samol mi Lapalap chon läng a apasa. ‘Oupwe fokun anümamaueer, pun resap feito pwe repwe alisi ewe Samol mi Lapalap le maun ngeni ekewe chon pwora.’

Soukapwüng 8:15

Mürin, Kition a feito ren ekewe re Sukot o üreniir, “Nengeni, ikkei ir Sepa me Salmuna, ekewe oua turunufaseei rer ren ämi apasa, ‘Ifa usun, ka fen liapeni Sepa me Salmuna, ina äm aipwe wisen ngeni noum kewe sounfiu mi malülü pilawa?’”

Soukapwüng 8:5

Lupwen ra tori Sukot, Kition a üreni mwänin ewe telinimw, “Ouse mochen oupwe ngeni nei kei sounfiu ekoch fochun pilawa. Ra fokun malülü, nge ngang üa chüen mochen tapweri ekewe kingen Mitian iter Sepa me Salmuna.”