Soukapwüng 8:16 - Chuukese Bible

¹⁶ Iwe, Kition a angei ekewe souakomwen ewe telinimw Sukot o wichiir ren iräfölüföl seni lon fanüapö, pwal ren nikouloul.

Soukapwüng 8:16 Iomraidhean Croise

Esra 2:6

Ekewe mwirimwirin Pahat-moap, ir mwirimwirin Jesua me Joap ükükün ruungeröü walupükü engol me ruoman.

Än Salomon Fos 10:13

Eman mi silelap a apasawu kapasen tipachem, nge eman mi tiparoch epwe küna apwüng fän wichiwich.

Än Salomon Fos 19:29

Apwüng a molotä fän iten ekewe chon turunufas, nge wichiwich fän iten ekewe chon tiparoch.

Mika 7:4

Ewe mi fokun mürina me leir a usun chök pötöwölingau, nge ewe mi fokun wenechar me leir a usun chök eu tit seni irafölüföl. A war ewe ränin än Kot apwüngü ekewe aramas, usun a fen asile ngeniir me ren ekewe soufos. Iei ra nom lon fitikoko.

Soukapwüng 8:15

Mürin, Kition a feito ren ekewe re Sukot o üreniir, “Nengeni, ikkei ir Sepa me Salmuna, ekewe oua turunufaseei rer ren ämi apasa, ‘Ifa usun, ka fen liapeni Sepa me Salmuna, ina äm aipwe wisen ngeni noum kewe sounfiu mi malülü pilawa?’”

Soukapwüng 8:17

A pwal atai ewe imw tekia lon Penuel o niela mwänin lon ewe telinimw.

Soukapwüng 8:7

Mürin, Kition a üreniir, “Iwe, ina. Lupwen ewe Samol mi Lapalap epwe mwüt ngeniei pwe üpwe liapeni Sepa me Salmuna, üpwe atatakisi fitukemi ngeni ekewe iräfölüföl seni lon fanüapö, pwal ngeni ekewe nikouloul.”