Soukapwüng 7:8 - Chuukese Bible

⁸ Iwe, Kition a tinala ekewe lusun chon Israel ngeni en me lenian, nge ekewe ülüpükü mwän a amwöchüretiu. Ir ätekewe mi angei seni chiener kewe mi liwin pisekir me nöür kewe rappwa. Iwe, lenien ekewe chon Mitian a nom fan lon ewe lemol.

Soukapwüng 7:8 Iomraidhean Croise

Aisea 27:13

Iwe, lon ena fansoun efoch rappwa epwe pu pwe epwe köri chokewe mi oola lon ewe fanü Asiria me ewe fanü Isip, pwe repwe liwinsefäl. Repwe feito o fel ngeni ewe Samol mi Lapalap won ewe chuk mi pin lon Jerusalem.

Lifitikos 23:24

pwe epwe üreni ekewe aramasen Israel: Lon aeuin ränin ewe afisuen maram oupwe afisi eu ränin asösö mi pin, eu ränin achem fiti tikin rappwa, eu fansoun mwich mi pin.

Lifitikos 25:9

Mürin, lon aengolun ränin ewe afisuen maram, lon ewe ränin ächächä, oupwe ettikifeili ewe rappwa mi tikimong lemenen unusen fanüemi.

Numperis 10:9

Iwe, lupwen oupwe feila maun ngeni chon oputakemi mi ariaföüükemi me lon fanüemi, oupwe ettiki ewe tikin asilesilen maun ren ekewe rappwa. Mürin, ngang ewe Samol mi Lapalap ämi we Kot üpwe alisikemi o amanauakemi seni chon oputakemi.

1. Korint 15:52

lon eu chök morupun mas. Pun lupwen ewe rappwa epwe tik, ekewe mi mäla repwe manausefäl, nge resap chüen mälasefäl, nge kich meinisin sipwe wilila.

Josua 6:20

Iwe, ekewe souasor ra ettiki ekewe rappwa. Lon ewe otun ekewe aramas ra rongorong tikin rappwa, ra leüömong le arükak, nge ewe tit a turutiu. Mürin ekewe aramas ra töfochofocholong lon ewe telinimw seni en me awenewenen lenian o liapeni ewe telinimw.

Josua 6:4

Füman souasor repwe uwei fisu rappwa seni mächän ätemwänin sip me mwen ewe pworofel. Nge lon afisuen rän oupwe karis lükün pwelin ewe telinimw fän fisu, nge ekewe souasor repwe ettiki ekewe rappwa.

Soukapwüng 3:27

Nge lupwen a tori won chukuchukutän ewe fanü Efraim, a ettiki ewe rappwa pwe ekewe re Israel repwe mwicheto ren, pwe repwe maun. Mürin, ra etatiu Ehut seni won ewe fanü mi chukuchukutä, nge i a akom mwer.

Soukapwüng 6:33

Mürin, ekewe chon Mitian meinisin, ekewe chon Amalek me ekewe aramas mi nom ötiu ra chufengen, ra pwereto pekiton ewe chanpupu Jortan o nonom lon ewe lemolun Jesreel.

Soukapwüng 7:7

Iwe, ewe Samol mi Lapalap a üreni Kition, “Ren ekewe ülüpükü mwän mi mitiri ewe koluk üpwe amanauakemi o föri pwe ekewe chon Mitian repwe kuf rer. Nge ekewe lusun meinisin repwe en me liwiniti lenian.”

Soukapwüng 7:9

Lon ewe chök pwinin ewe Samol mi Lapalap a üreni Kition, “Kopwe pwätä o feitiu lon lenien chon Mitian pwe kopwe maun ngeniir, pun üpwe föri met kopwe akufuur ren.