Soukapwüng 7:4 - Chuukese Bible

⁴ Nge ewe Samol mi Lapalap a üreni Kition, “Ekei aramas ra chüen kon chomong. Kopwe emweniretiu ren ewe koluk, nge ngang üpwe aimwürela fän itom ikenan. Are üpwe ürenuk, ‘Ei mwän epwe etuk,’ ätewe epwe etuk. Nge are üpwe ürenuk, ‘Ei mwän esap etuk,’ ätewe esap etuk.”

Soukapwüng 7:4 Iomraidhean Croise

Keneses 22:1

Mürin ekoch fansoun Kot a sotuni Apraham o üreni, “Apraham.” Nge i a pälüeni, “Ngang iei.”

Hiop 23:10

Nge Kot a silei ewe al üa fetal won. Lupwen a sotuniei, a pwä pwe üa usun kolt.

Kölfel 33:16

Eman king esap manau ren watten an mwichen sounfiu, nge eman sounfiu esap ngasala ren an pöchökül mi lapalap.

Kölfel 66:10

Pun en äm Kot, ka sotunikem, ka limetikem usun aramas ra limeti silifer.

Kölfel 7:9

En ewe Kot mi pwüng, ka etittina ekiekin me tipen aramas. Kopwe aükätiu än ekewe aramasangau föför mi ngau, nge kopwe anüküchara ekewe chon pwüng.

Soukapwüng 7:5

Iei mine Kition a emwenätiu ekewe aramas ren ewe koluk. Nge ewe Samol mi Lapalap a üreni, “Iteiten eman me eman mi üfi koluk ngeni pöün o mitiri usun eman kolak a mitiri koluk, kopwe aimwüela. Nge ekewe mi fotopwäsuk le ün, repwe pwal imwüla.”

1. Samuel 14:6

Iwe, Jonatan a üreni ewe alüal mi uwei an pisekin maun, “Etto, sipwe feila pekila ren ewe mwichen sounfiu resap sirkomsais. Eli ewe Samol mi Lapalap epwe alisikich. Pun esap wor och a tongeni pinei än ewe Samol mi Lapalap alilis ren chomong ika chokükün.”

1. Samuel 16:7

Nge ewe Samol mi Lapalap a üreni Samuel, “Kosap nengeni an lapalapöch ika an mwänetam, pun üa pöütala. Pun ngang üsap nenengeni usun aramas ra nenengeni. Aramas ra nenengeni lapalapen mesen eman, nge ngang üa nenengeni leluken aramas.”