Soukapwüng 7:22 - Chuukese Bible

²² Nge lupwen ekewe re Israel ra ettiki nöür kewe ülüpükü rappwa, ewe Samol mi Lapalap a föri pwe iteiten eman me eman sounfiun Mitian a fiu ngeni püsin chienan. Iwe, ewe mwichen sounfiu a süla tori Petsita sasape ngeni Serera, pwal tori ewe kiännin Apel-mehola arun Tappat.

Soukapwüng 7:22 Iomraidhean Croise

1. King 19:16

Kopwe epiti Jehu nöün Nimsi we mwän pwe epwe kingen Israel, kopwe pwal epiti Elisa nöün Safat we mwän seni Apel-mehola pwe epwe siwiliik lon ewe wisen soufos.

1. King 4:12

Paana nöün Ahilut we mwän a nemeni Tanak, Mekito me unusen Pet-sean mi nom ünükün Saretan örün Jesrel, pwal seni Pet-sean tori Apel-mehola achöüala ngeni pekilan Jokmeam.

2. Kronika 20:23

Iwe, ekewe re Amon me Moap ra maun ngeni ekewe re Etom o wesewesen aroserela. Nge lupwen ra wes le aroserela, ra püsin sapefengen o nifengeniir.

Kölfel 83:9

Kopwe föri ngeniir usun mine ka föri ngeni chon Mitian, usun mine ka föri ngeni Sisera me Japin arun ewe chanpupu Kison.

Aisea 19:2

Iwe, ewe Samol mi Lapalap a üra, “Üpwe afiu chon Isip pwe eman epwe fiufengen me pwin, iteiten eman me eman epwe fiu ngeni chon arun. Eu telinimw epwe ü ngeni pwal eu telinimw, nge eman mi mochen king epwe ü ngeni ewe king.

Aisea 9:3

En ka achomonga pwapwan ekewe aramas o alapala ar mwänek. Ra pwapwa fän mesom usun chök ar pwapwa lupwen fansoun räs, pwal usun mwän ra pwapwa, lupwen ra ineti liaper lon maun.

Aisea 9:4

Pun ka kupi ewe waas mi chou won afarer me ewe wok ra fokun weires ren, ka akufu chon ekewe mwü mi ariaföüür usun ka akufu ekewe sounfiun Mitian me lom.

Isikiel 38:21

Üpwe awarato niuokus watte won Kok ren sokopaten feiengau mi fis ngeni. Ngang Kot ewe Samol mi Lapalap üa kapas. Iteiten eman me eman epwe fiu ngeni chiechian fän nöün ketilas.

Apakuk 3:14

Ka posu ewe meilapen nöün kewe sounfiu ren wokum kewe, chokewe mi feito usun chök eu mölümöl pwe repwe atoropasakem, ra sikesik usun chokewe mi ariaföüü ekewe chon mwelele lemonomon.

Akai 2:22

o aturätiu ekewe mwü. Üpwe awesi nemenemen ekewe king mi nemeni ekewe mwü, üpwe pwal alupala ekewe woken fiti ekewe chon wawa. Ekewe oris me chon wäniir repwe mäla, pun iteiten eman me eman leir epwe niela en me chienan.

Sekaraia 14:13

Lon ena fansoun ewe Samol mi Lapalap epwe awarato wor fitikoko me niuokus watte, pwe eman me eman epwe turufi chienan o fiu ngeni.

2. Korint 4:7

Nge a wor rem ei feiöch mi aüchea lon sepi mi för seni pwül, pwe epwe pwä pwe ei tufich mi somwola a pop seni Kot, nge esap pop senikem.

Josua 3:16

ewe koluk mi putiu me asan a popuetä aioifengen me toau tori Atam eu telinimw mi nom ünükün Saretan. Nge ewe koluk mi putiu ngeni ewe Setin Mäla esap chüen pu. Iwe, ekewe aramas ra pwerela pekila akawenewenen Jeriko.

Josua 6:16

Nge lupwen ekewe souasor ra ettiki ekewe rappwa lon afisuen fansoun ar karis, Josua a üreni ekewe aramas, “Oupwe arükak. Pun ewe Samol mi Lapalap a ngenikemi ewe telinimw.

Josua 6:20

Iwe, ekewe souasor ra ettiki ekewe rappwa. Lon ewe otun ekewe aramas ra rongorong tikin rappwa, ra leüömong le arükak, nge ewe tit a turutiu. Mürin ekewe aramas ra töfochofocholong lon ewe telinimw seni en me awenewenen lenian o liapeni ewe telinimw.

Josua 6:4

Füman souasor repwe uwei fisu rappwa seni mächän ätemwänin sip me mwen ewe pworofel. Nge lon afisuen rän oupwe karis lükün pwelin ewe telinimw fän fisu, nge ekewe souasor repwe ettiki ekewe rappwa.

1. Samuel 18:19

Nge lupwen a tori fansoun pwe Merap nöün Saul we föpwül epwe le itä pwülüeni Tafit, Saul a apwüpwülüa ngeni Atriel ewe re Mehola.