Soukapwüng 7:2 - Chuukese Bible

² Iwe, ewe Samol mi Lapalap a üreni Kition, “Ekei aramas mi etuk ra kon chomong me rei, pwe üpwe föri pwe ekewe chon Mitian repwe kuf rer. Pun chon Israel repwe tunosikesik ngeniei o üra pwe ra püsin amanaueer ren ar pöchökül.

Soukapwüng 7:2 Iomraidhean Croise

Keneses 46:2

Iwe, Kot a kapas ngeni Israel lon künan lepwin, “Jakop, Jakop.” Nge a üra, “Ngang iei.”

2. Kronika 14:11

Asa a siö ngeni ewe Samol mi Lapalap an we Kot o apasa, “Ai Samol mi Lapalap, esap wor eman usun en mi tongeni alisi chon apwangapwang le maun ngeni chon pöchökül. Ai Samol mi Lapalap äm we Kot, kose mochen kopwe alisikem, pun äm aia anomu äm apilükülük womw, nge aia feito pwe aipwe maun ngeni ei mwichemongun sounfiu fän itom. Ai Samol mi Lapalap, en äm Kot, esap wor eman a tongeni akufuk.”

Aisea 10:13

Pun ewe kingen Asiria a apasa lon an sikesik, “Ngang üa föri ekei mettoch meinisin ren ai pöchökül me ai tipachem, pun mi wor ai silelap. Üa ataela kiännin mwü kana o uweela wöür. Ren ai pöchökül mi usun chök pöchökülen eman karopwow mi mwacho üa aturätiu chokewe ra mot won lenien motun king.

Aisea 2:11

Lon ena rän chon tipetekia repwe küna tekison, än aramas lamalamtekia epwe kisikisitiu, nge ewe Samol mi Lapalap chök epwe tekia.

Aisea 2:17

Lon ena rän chon tipetekia repwe küna tekison, än aramas lamalamtekia epwe kisikisitiu, nge ewe Samol mi Lapalap chök epwe tekia.

Jeremaia 9:23

Iei alon ewe Samol mi Lapalap, “Eman aramas mi tipachem esap aingaing fän an silelap, eman mi pöchökül esap aingaing fän an pöchökül, nge eman mi pisekisek esap aingaing lon an wöü.

Isikiel 28:17

Ka lamalamtekia lon lelukom pokiten om mwänöch, ka pwal alomotongaua om tipachem pokiten wattelan lingom. Iei mine üa aturukela won pwül o pwärala om feiengau ngeni ekewe king, pwe repwe nenengenuk.

Isikiel 28:2

“Nöün aramas, kopwe üreni ewe samolun Tirus, pwe iei aloi ngang Kot ewe Samol mi Lapalap: Ka lamalamtekia lon lelukom, ka pwal ikeeketä ren om apasa, ‘Ngang eman kot. Üa mot won lenien motun eman kot lukalapen matau.’ Nge ka chök eman aramas, sap eman kot, inamwo ika ka ekieki pwe ka tipachem usun eman kot.

Taniel 4:30

o apasa, “Sap iei Papilon ewe telinimw mi lapalap üa aüetä fän ai tufich me pöchökül pwe ai lenien king, epwe pwal alinga lingen ai nemenem?”

Apakuk 1:16

Ra mwo nge fel ngeni ar kewe cheew o asor ngeni ar kewe uuk, pun ra manau rer, nge ener mongö a fokun chomong o anö.

Sekaraia 12:7

Iwe, ngang ewe Samol mi Lapalap üpwe akomwen awinna ekewe chon Juta, pwe iteüöchün ekewe mwirimwirin Tafit me chon Jerusalem esap tekia seni iteüöchün chon Juta.

Sekaraia 4:6

Mürin, ewe chon läng a üreniei, “Iei alon ewe Samol mi Lapalap ngeni Serupapel: Esap fis om angang ren pöchökül, esap pwal fis ren manaman, nge epwe fis ren Ngüni. Ngang ewe Samol mi Unusen Manaman üa kapas.

Numperis 31:4

Oupwe tinala lon maun engeröü mwän seni eu me eu kewe ainangen Israel.”

Nöün Paulus Toropwe ngeni ekewe Souläng lon Rom 11:18

Iei mine ousap turunufasei chokewe mi usun chök ekewe palen irä mi kuputiu. Pwota oupwe lamalamtekia? Ämi oua usun chök efoch palen irä. Ämi oua manau seni waren ewe irä, nge waren ewe irä resap manau senikemi.

Nöün Paulus Toropwe ngeni ekewe Souläng lon Rom 3:27

Iwe, met sia tongeni aingaing won? Esor! Met popun pwe a iei usun? Pokiten sia aleasochisi ekewe Allük? Apwi, nge sia lükü.

2. Korint 4:7

Nge a wor rem ei feiöch mi aüchea lon sepi mi för seni pwül, pwe epwe pwä pwe ei tufich mi somwola a pop seni Kot, nge esap pop senikem.

Efisos 2:9

esap pwal liwinin ämi angang, pwe esap wor eman epwe tongeni aingaing ren.

Tuteronomi 32:27

Nge üa oput än chon oputeer tunosikesik, pun repwe wewengau ren o apasa, ‘Püsin kich sa awinnakich, ei esap förien ewe Samol mi Lapalap.’

Tuteronomi 8:17

Iei mine oupwe afälikemi pwe ousap ekieki lon lelukemi: Äm pöchökül me äm tufich ra atoto äm pisekisek.

Tuteronomi 8:18

Nge oupwe chechemeni ewe Samol mi Lapalap ämi we Kot, pun i a ngenikemi pöchökül pwe oupwe pisekisek. Iwe, a apwönüetä an pwon a eäni fän akapel ngeni ämi kewe lewo, usun a fis ikenai.

James 4:6

Nge Kot a awattei ngenikich an ümöümöch. Iei mine a mak lon ekewe Toropwe mi Pin, “Kot a ü ngeni ekewe chon lamalamtekia, nge a ümöümöch ngeni ekewe chon tipetekison.”

1. Samuel 14:6

Iwe, Jonatan a üreni ewe alüal mi uwei an pisekin maun, “Etto, sipwe feila pekila ren ewe mwichen sounfiu resap sirkomsais. Eli ewe Samol mi Lapalap epwe alisikich. Pun esap wor och a tongeni pinei än ewe Samol mi Lapalap alilis ren chomong ika chokükün.”