Soukapwüng 7:13 - Chuukese Bible

¹³ Lupwen Kition a feito, a rong pwe eman mwän a apworausa ngeni chienan we an tan. A üreni, “Üa eäni eu tan pwe üa küna eföü pilawa seni parli a sokopenelong lon leniach. A küw eu imw mangaku pwe a turutiu o tala.”

Soukapwüng 7:13 Iomraidhean Croise

1. Korint 1:27

Nge Kot a filätä ekewe mi umwes me ren fanüfan, pwe epwe asäwa ekewe chon tipachem. Kot a pwal filätä ekewe mi apwangapwang me ren fanüfan, pwe epwe asäwa ekewe chon pöchökül.

Soukapwüng 3:15

Mürin, ekewe aramasen Israel ra siö ngeni ewe Samol mi Lapalap, nge i a filätä eman chon amanau fän iter itan Ehut nöün Kera we mwän, eman re Peniamin. Nge Ehut eman tamöng. Iwe, ekewe aramasen Israel ra tini ngeni Ehut ar takises ngeni Eklon ewe kingen Moap.

Soukapwüng 3:31

Mürin Ehut, Samkar nöün Anat we mwän a filitä. Iwe, i a amanaua chon Israel ren an niela ükükün wonopükü chon Filistia ren efoch wichiwichin kow.

Soukapwüng 4:21

Mürin Jael pwülüen Heper a angei efoch chüfölün imw me efoch ama, a anifelong ren lupwen a kon o möürüchou ren an malülü, a amaanätiu ewe chuföl won esen mongön tori a pweretiu lepwül. Iwe, Sisera a mäla.

Soukapwüng 4:9

Iwe, Tepora a üra, “Üpwe fokun etuk. Nge ei sokun lapalap ka eäni, kosap ling ren, pun ewe Samol mi Lapalap epwe atolonga Sisera lepöün eman fefin.” Mürin, Tepora a ütä o eti Parak tori Ketes.

Soukapwüng 6:15

Nge Kition a üreni, “Ai Samol, epwe ifa usun ai üpwe tongeni amanaua chon Israel? Nengeni, ai eterekes a chokükün seni meinisin lon ewe ainangen Manasa, nge ngang ese wor manei lon ai famili.”

Soukapwüng 7:12

Iwe, ekewe chon Mitian me chon Amalek, pwal ekewe aramas meinisin seni ötiu ra nom lon ewe lemol, usun epwi pwiin lifichimas ren chomongur. Nge nöür kamel ese lea, pun ra usun chök föün pien aroset.

Soukapwüng 7:14

Nge chienan a üreni, “Ei a pwärätä pwe iei fokun nöün Kition we ketilas, i nöün Joas we mwän, eman re Israel. Esor och wewen lükün. Kot a mwüt ngeni Kition pwe epwe akufu ewe mwicheichen sounfiun Mitian meinisin.”

Soukapwüng 8:10

Iwe, Sepa me Salmuna ra nom Karkor ren nöür sounfiu, ina epwe ükükün engol me limungeröü mwän, ikkei ir lusun ewe mwichen sounfiu seni ötiu. Pun ra mäla ükükün ipükü rüe ngeröü sounfiu mi sile maun won ketilas.