Soukapwüng 7:12 - Chuukese Bible

¹² Iwe, ekewe chon Mitian me chon Amalek, pwal ekewe aramas meinisin seni ötiu ra nom lon ewe lemol, usun epwi pwiin lifichimas ren chomongur. Nge nöür kamel ese lea, pun ra usun chök föün pien aroset.

Soukapwüng 7:12 Iomraidhean Croise

1. King 20:27

Nge ekewe aramasen Israel ra pwal mwichefengen, ra angei ar pisekin maun o feila pwe repwe maun ngeni chon Siria. Iwe, ekewe sounfiun Israel ra nom lon lenier sasape ngeni ekewe sounfiun Siria, nge ra usun chök ruu kükün mwichen kuuch. Nge ekewe sounfiun Siria ra amasouala ewe fanü.

1. King 4:30

pwe än Salomon tipachem a lapalap seni än ekewe aramasen ötiu me än ekewe chon Isip tipachem.

Kölfel 3:1

Ai Samol mi Lapalap, ekewe mi oputaei ra kon chomong! Chomong ra ü ngeniei.

Kölfel 33:16

Eman king esap manau ren watten an mwichen sounfiu, nge eman sounfiu esap ngasala ren an pöchökül mi lapalap.

Jeremaia 46:23

Repwe pöküela an we wöllap, inamwo ika a fokun malül. Ra fokun chomong seni lifichimas, rese tongeni lea.

Josua 11:4

Iwe, ra feito me nöür kewe sounfiu meinisin lon mwicheicher mi fokun watte, ükükün chochor usun föün pien aroset. A pwal wor rer chomong oris me woken.

Soukapwüng 6:3

Pun iteiten fansoun ekewe chon Israel ra fotuki föün irä, ekewe chon Mitian, chon Amalek me ekewe aramas mi nom ötiu ra feito o maun ngeniir.

Soukapwüng 6:33

Mürin, ekewe chon Mitian meinisin, ekewe chon Amalek me ekewe aramas mi nom ötiu ra chufengen, ra pwereto pekiton ewe chanpupu Jortan o nonom lon ewe lemolun Jesreel.

Soukapwüng 6:5

Pun ra feito fiti nöür man me imwer imw mangaku, usun epwi pwiin lifichimas. Iwe, esap wor eman a tongeni aleaniir me nöür kamel. Iei mine ewe fanü a tala, lupwen ra tolong lon.

Soukapwüng 7:13

Lupwen Kition a feito, a rong pwe eman mwän a apworausa ngeni chienan we an tan. A üreni, “Üa eäni eu tan pwe üa küna eföü pilawa seni parli a sokopenelong lon leniach. A küw eu imw mangaku pwe a turutiu o tala.”

Soukapwüng 8:10

Iwe, Sepa me Salmuna ra nom Karkor ren nöür sounfiu, ina epwe ükükün engol me limungeröü mwän, ikkei ir lusun ewe mwichen sounfiu seni ötiu. Pun ra mäla ükükün ipükü rüe ngeröü sounfiu mi sile maun won ketilas.

1. Samuel 13:5

Iwe, ekewe chon Filistia ra amwichafengeniir pwe repwe maun ngeni chon Israel ükükür ilik ngeröü woken me wonongeröü chon wawa oris, nge ükükün ekewe sounfiu usun föün pien aroset ren chomongur. Ra feitä Mikmas ötiuen Pet-awen o nonom ikenan.

1. Samuel 30:17

Sorotän ewe rän, Tafit a maun ngeni ekewe chon Amalek seni lesosorusich tori lekuniol. Esap wor eman me leir a tongeni süla, chilon chök föpükü alüal mi süla won war kamel.