Soukapwüng 6:6 - Chuukese Bible

⁶ Iwe, chon Israel ra fokun mwelele pokiten chon Mitian. Iei mine ra siö ngeni ewe Samol mi Lapalap pwe epwe alisiir.

Soukapwüng 6:6 Iomraidhean Croise

Kölfel 50:15

Oupwe köriei lon ränin ämi riaföü, pun ngang üpwe angasakemi, nge ämi oupwe mwareitiei.”

Kölfel 78:34

Nge lupwen Kot a niela ekoch me leir, ekewe mi chüen manau ra kütta i. Ra ekieksefäl o tiliken le iotek ngeni.

Aisea 26:16

Äm Samol mi Lapalap, aia küttok lon äm riaföü, aia pwal iotek ngonuk, lupwen ka apwüngükem.

Jeremaia 5:17

Repwe enala enemi mongö pwal mine oua kini, o niela nöümi mwän me fefin. Repwe ochei nöümi pwiin sip me kow, pwal uän ämi irän wain me fik. Repwe pwal ataala ämi kewe telinimw mi pöchökül tittir oua eäniir apilükülük.”

Osea 5:15

Mürin üpwe feila seniir o likitirela tori repwe mefi ar tipis o küttaei. Lon ar riaföü repwe fokun küttaei.”

Malakai 1:4

Are chon Etom repwe apasa, “Äm kewe telinimw ra tatakis, nge äm aipwe aüsefäliretä,” mürin ewe Samol mi Unusen Manaman epwe apasa, “Repwe tongeni aüretä, nge ngang üpwe ataretiu, tori aramas repwe aita ngeni: Ewe fanü mi ngau, pwal eu mwichen aramas ewe Samol mi Lapalap a song ngeniir tori feilfeilachök.”

Tuteronomi 28:43

Iwe, ewe chon ekis mi nom remi epwe fefeitä o tekiatä, nge ämi oupwe fefeitiu o tekisonitiu.

Soukapwüng 10:10

Mürin, ekewe aramasen Israel ra siö ngeni ewe Samol mi Lapalap o apasa, “Äm aia tipis ngonuk, pun aia likitukela, en äm Kot, o angang ngeni ekewe anü Paal.”

Soukapwüng 3:15

Mürin, ekewe aramasen Israel ra siö ngeni ewe Samol mi Lapalap, nge i a filätä eman chon amanau fän iter itan Ehut nöün Kera we mwän, eman re Peniamin. Nge Ehut eman tamöng. Iwe, ekewe aramasen Israel ra tini ngeni Ehut ar takises ngeni Eklon ewe kingen Moap.

Soukapwüng 3:9

Nge lupwen ekewe aramasen Israel ra siö ngeni ewe Samol mi Lapalap, a filätä eman chon amanau fän iter, pwe epwe amanaueer. Iwe, iten ätei Otniel nöün Kenas we mwän, nge Kenas pwin Kalep kükün.

Soukapwüng 4:3

A wor ükükün tiupükü wän Sisera woken mi för seni mächä. Iwe, a fokun ariaföüü chon Israel lon ükükün rüe ier. Mürin, ekewe chon Israel ra siö ngeni ewe Samol mi Lapalap pwe epwe alisiir.

Soukapwüng 6:7

Lupwen ekewe aramasen Israel ra siö ngeni ewe Samol mi Lapalap pokiten ekewe chon Mitian,