Soukapwüng 6:5 - Chuukese Bible

⁵ Pun ra feito fiti nöür man me imwer imw mangaku, usun epwi pwiin lifichimas. Iwe, esap wor eman a tongeni aleaniir me nöür kamel. Iei mine ewe fanü a tala, lupwen ra tolong lon.

Soukapwüng 6:5 Iomraidhean Croise

Än Salomon Köl 1:5

Ämi föpwülün Jerusalem, üa liechochol, nge üa liöch. Üa chol usun chök ekewe imw mangaku lon Ketar, üa pwal öch usun chök ekewe cheech lon imwen Salomon.

Aisea 13:20

Esap wor aramas repwe chüen nom lon ewe fanü Papilon seni eu täppin aramas tori eu täppin. Iwe, esap wor eman chon Arapia epwe aüetä imwan imw mangaku ikenan, esap pwal wor eman chon fofol man epwe tümwünü nöün pwiin man won.

Aisea 60:6

Iwe, chomong pwiin kamel repwe nom won fanüom, apanen kamel seni Mitian me Efa. Chon Sepa meinisin repwe feito, repwe uwato kolt me apach mi pwokus o arongafeili iteüöchün ewe Samol mi Lapalap.

Jeremaia 46:23

Repwe pöküela an we wöllap, inamwo ika a fokun malül. Ra fokun chomong seni lifichimas, rese tongeni lea.

Jeremaia 49:29

Imwer imw mangaku me nöür pwiin sip repwe oola, pwal ar chechen lon imw me pisekir meinisin. Aramas repwe angei seniir nöür kamel o kökkö ngeniir, ‘Niuokus watte a nom pwelin ünükümi.’

Jeremaia 49:32

Oupwe liapeni nöür kamel, nöür pwiin sip epwe choon wokumi. Üpwe atoropasafeili chokewe mi fichi mökürer, üpwe awarato feiengau wor seni ekis meinisin.

Jeremaia 51:14

Ewe Samol mi Unusen Manaman a eäni akapel püsin itan o apasa, “Ellet, üpwe tinala aramas mi chomong usun chomongun lifichimas, pwe repwe maun ngeni Papilon. Repwe iöfotäsini ar win won chon Papilon.

Tuteronomi 28:33

Chon eu mwü ousap sileer me mwan repwe mongö uän fanüemi me uän ämi angang meinisin. Iwe, repwe chök ariaföüükemi o atatakisikemi fansoun meinisin,

Soukapwüng 7:12

Iwe, ekewe chon Mitian me chon Amalek, pwal ekewe aramas meinisin seni ötiu ra nom lon ewe lemol, usun epwi pwiin lifichimas ren chomongur. Nge nöür kamel ese lea, pun ra usun chök föün pien aroset.

Soukapwüng 8:10

Iwe, Sepa me Salmuna ra nom Karkor ren nöür sounfiu, ina epwe ükükün engol me limungeröü mwän, ikkei ir lusun ewe mwichen sounfiu seni ötiu. Pun ra mäla ükükün ipükü rüe ngeröü sounfiu mi sile maun won ketilas.

Soukapwüng 8:21

Iwe, Sepa me Salmuna ra üreni Kition, “Kopwe püsin ütä o nikeemila. Pun a nom reöm pöchökülen eman mwän.” Iei mine Kition a ütä o niela Sepa me Salmuna, a pwal angei ekewe fout mi lapalapeni lapalapen epek maram, ra nom won üen nöür kamel.

1. Samuel 30:17

Sorotän ewe rän, Tafit a maun ngeni ekewe chon Amalek seni lesosorusich tori lekuniol. Esap wor eman me leir a tongeni süla, chilon chök föpükü alüal mi süla won war kamel.