Soukapwüng 6:4 - Chuukese Bible

⁴ Iwe, ra asoi fanüer o ataela mine a märitä me won tori ünükün Kasa. Ra pwal angei nöür sip me kow me aas meinisin, nge resap likiti och fän iten chon Israel, pwe repwe manau seni.

Soukapwüng 6:4 Iomraidhean Croise

Keneses 10:19

pwe kiännin fanüer a seni Siton wenewenen Kerar tori Kasa, a pwal weneiti Sotom me Komora, Atma me Sepoim, pwal tori Lasa.

Keneses 13:10

Nge Lot a nenefeil o küna pwe unusen ewe fanü ünüpen ewe chanpupu Jortan a wöün koluk ekis meinisin, usun chök ewe tanipin ewe Samol mi Lapalap, pwal usun chök ewe fanü Isip awenewenen Soar. Iei usun ewe fanü me mwen än ewe Samol mi Lapalap atai Sotom me Komora.

Än Salomon Fos 28:3

Eman aramas mi wor manan, a ariaföüü ekewe chon mwelele, a usun chök eu üt mi püngüchou, a atai uän irä.

Jeremaia 5:17

Repwe enala enemi mongö pwal mine oua kini, o niela nöümi mwän me fefin. Repwe ochei nöümi pwiin sip me kow, pwal uän ämi irän wain me fik. Repwe pwal ataala ämi kewe telinimw mi pöchökül tittir oua eäniir apilükülük.”

Lifitikos 26:16

iei usun mine üpwe föri ngenikemi: Üpwe awarakaieto womi niuokus watte, fius me pwichikar mi atopwala mesemi o akisikisala pöchökülen inisimi. Iwe, epwe solap ämi fofot, pun chon oputakemi repwe eni uän fotämi.

Opataia 1:5

Iwe, are chon solä me chon angei pisek fän pöchökül repwe tori imwom lepwin, repwe chök angei ükükün mine ra mochen. Pwal ika chon ionifengeni föün irän wain repwe toruk, repwe pwal likiti ekoch föün. Nge chon oputom ra fokun apöpökowu.

Mika 6:15

Oupwe fofot, nge ousap kinikin. Oupwe üchüch föün olif, nge ousap epitikemi noppukun. Oupwe puri föün irän wain, nge ousap ün wain seni.

Tuteronomi 28:33

Chon eu mwü ousap sileer me mwan repwe mongö uän fanüemi me uän ämi angang meinisin. Iwe, repwe chök ariaföüükemi o atatakisikemi fansoun meinisin,

Tuteronomi 28:51

Iwe, repwe ochei nienifön nöümi pwiin kow o eni uän ämi pwül, nge ämi oupwe mäla ren echik. Resap pwal likiti fän itemi wiich, wain ika apüra, nienifön nöümi pwiin kow ika nöümi pwiin sip, tori ra arosakemiila.

Soukapwüng 6:3

Pun iteiten fansoun ekewe chon Israel ra fotuki föün irä, ekewe chon Mitian, chon Amalek me ekewe aramas mi nom ötiu ra feito o maun ngeniir.