Soukapwüng 6:3 - Chuukese Bible

³ Pun iteiten fansoun ekewe chon Israel ra fotuki föün irä, ekewe chon Mitian, chon Amalek me ekewe aramas mi nom ötiu ra feito o maun ngeniir.

Soukapwüng 6:3 Iomraidhean Croise

Keneses 25:6

Nge lupwen a chüen manau, a ngeni nöün kewe mwän me won Hakar me Katura lifanger. Mürin a tinirela ngeni ewe fanüen ötiu pwe repwe toauela seni Isaak nöün we.

Keneses 29:1

Iwe, Jakop a sopwela an sai tori ewe fanüen chon ötiu.

1. King 20:27

Nge ekewe aramasen Israel ra pwal mwichefengen, ra angei ar pisekin maun o feila pwe repwe maun ngeni chon Siria. Iwe, ekewe sounfiun Israel ra nom lon lenier sasape ngeni ekewe sounfiun Siria, nge ra usun chök ruu kükün mwichen kuuch. Nge ekewe sounfiun Siria ra amasouala ewe fanü.

1. King 4:30

pwe än Salomon tipachem a lapalap seni än ekewe aramasen ötiu me än ekewe chon Isip tipachem.

1. King 5:10

Iei mine Hairam a ngeni Salomon ekewe irä setar me saipires won ükükün an mochen,

Hiop 1:3

A pwal wor füngeröü nöün sip, ülüngeröü kamel, engeröü ätemwänin kow, limepükü liafefinin aas me chomong, chomong chon angang. Iei mine ei mwän a iteföüla seni ekewe aramas meinisin mi nom lon ewe fanü ötiu.

Hiop 31:8

mürin üpwe fofot, nge eman epwe eni, nge mine a märitä fän itei epwe üttütä.

Ekistos 17:8

Iwe, chon Amalek ra war pwe repwe maun ngeni chon Israel lon Refitim.

Aisea 11:14

Repwe chufengen le maun ngeni chon Filistia mi nom lotou, o angei fän pöchökül pisekin ekewe aramas mi nom ötiu. Repwe liapeni ekewe chon Etom me chon Moap, nge chon Amon repwe aleasochis ngeniir.

Aisea 62:8

Ewe Samol mi Lapalap a pwon fän akapel, nge epwe apwönüetä ren an manaman, “Üsap chüen ngeni chon oputemi enemi mongö, nge chon ekis resap chüen ünümi ünümemi wain oua angang weires ngeni.

Jeremaia 49:28

Iei usun mine ewe Samol mi Lapalap a apasa fänäsengesin Ketar me ekewe mwü Hasor a nemeniir, ir ekewe mwü Nepukatnesar ewe kingen Papilon a liapeni, “Oupwe ütä o maun ngeni Ketar. Oupwe arosala ekewe aramas mi nom ötiu.

Isikiel 25:3

Kopwe üreni ekewe chon Amon, pwe repwe aüselinga mine ngang Kot ewe Samol mi Lapalap üa apasa: Oua takirin ämängau usun imwei mi pin, lupwen aramas ra apiningaua pinin, oua takiri ewe fanü Israel, lupwen a tatakis, pwal ekewe chon Juta, lupwen ra oola.

Isikiel 25:4

Iei mine üpwe asechikemiilong lepöün ekewe aramasen ötiu pwe repwe nemenikemi. Repwe aüetä imwer imw mangaku o imweimw leimi. Iwe, repwe ochei uän ämi kewe irä o ünümi ünümemi milik.

Lifitikos 26:16

iei usun mine üpwe föri ngenikemi: Üpwe awarakaieto womi niuokus watte, fius me pwichikar mi atopwala mesemi o akisikisala pöchökülen inisimi. Iwe, epwe solap ämi fofot, pun chon oputakemi repwe eni uän fotämi.

Mika 6:15

Oupwe fofot, nge ousap kinikin. Oupwe üchüch föün olif, nge ousap epitikemi noppukun. Oupwe puri föün irän wain, nge ousap ün wain seni.

Tuteronomi 28:51

Iwe, repwe ochei nienifön nöümi pwiin kow o eni uän ämi pwül, nge ämi oupwe mäla ren echik. Resap pwal likiti fän itemi wiich, wain ika apüra, nienifön nöümi pwiin kow ika nöümi pwiin sip, tori ra arosakemiila.

Soukapwüng 10:12

pwal ekewe chon Siton, chon Amalek me chon Maon ra ariaföüükemi me lom, oua siö ngeniei. Ifa usun, ngang üsap angasakemiiwu seni fän nemenier?”

Soukapwüng 3:13

Eklon a amwichato ren ekewe chon Amon me chon Amalek. Ra feila maun ngeni chon Israel o akufuur. Ra liapeni ewe telinimw Jeriko, ia a wor irä palm ie.

Soukapwüng 6:2

Nge chon Mitian ra fokun nemenemengau ngeniir. Iei mine ekewe aramasen Israel ra opolong lon ekewe pwang mi nom won ekewe chuk, lon ekewe föimw, pwal lon ekewe leni mi pöchökül.

Soukapwüng 6:33

Mürin, ekewe chon Mitian meinisin, ekewe chon Amalek me ekewe aramas mi nom ötiu ra chufengen, ra pwereto pekiton ewe chanpupu Jortan o nonom lon ewe lemolun Jesreel.

Soukapwüng 6:4

Iwe, ra asoi fanüer o ataela mine a märitä me won tori ünükün Kasa. Ra pwal angei nöür sip me kow me aas meinisin, nge resap likiti och fän iten chon Israel, pwe repwe manau seni.

Soukapwüng 7:12

Iwe, ekewe chon Mitian me chon Amalek, pwal ekewe aramas meinisin seni ötiu ra nom lon ewe lemol, usun epwi pwiin lifichimas ren chomongur. Nge nöür kamel ese lea, pun ra usun chök föün pien aroset.

Soukapwüng 8:10

Iwe, Sepa me Salmuna ra nom Karkor ren nöür sounfiu, ina epwe ükükün engol me limungeröü mwän, ikkei ir lusun ewe mwichen sounfiu seni ötiu. Pun ra mäla ükükün ipükü rüe ngeröü sounfiu mi sile maun won ketilas.