Soukapwüng 6:11 - Chuukese Bible

¹¹ Mürin, nöün ewe Samol mi Lapalap chon läng a feito Ofra o mottiu fän ewe irä ook än Joas seni ewe eterekesin Apieser. Nge Kition nöün we mwän a wichiwich umwun wiich lon ewe lenien üchüch wain, pun a aopala seni chon Mitian.

Soukapwüng 6:11 Iomraidhean Croise

Keneses 16:7

Nge nöün ewe Samol mi Lapalap chon läng a küna Hakar ünükün eu chönüttu lon fanüapö mi nom lepekin ewe al a ale ngeni Sur.

Keneses 48:16

pwal ewe chon läng mi amanauaei seni feiengau meinisin epwe afeiöchü ekei ät. Iwe, repwe iteni itei me iten semelapei kewe Apraham me Isaak tori feilfeilachök, repwe pwal fokun chomongola won fanüfan.

1. King 19:19

Iwe, Elias a feila seni ikenan o küna Elisa nöün Safat we mwän, a tuw pwül ren engol me ruoman pean ätemwänin kow, nge i a nom ren ewe engol me ruuen pea. Elias a feila ren o noutätä üfan owokot won Elisa.

Aisea 63:9

Püsin i a amanaueer, sap eman chon läng. Ren an chen me tong ngeniir a angaseer, a ekiretä o mwäreer lon ekewe fansoun lom.

Numperis 26:30

Nge ekewe mwirimwirin Kiliat: än Jeser cho, än Helek cho,

Ipru 11:32

Iwe, met üpwe sopwela le pworaus won? Esap naf fansoun ai üpwe kapas usun Kition, Parak, Samson, Jefta, Tafit, Samuel me ekewe soufos.

Josua 17:2

Nge ewe fanü mi nom pelilotoun ewe chanpupu Jortan a pwal ainet ngeni lusun chon ewe ainangen Manasa lon tettelin ar kewe famili: Apieser, Helek, Asriel, Sekem, Hefer me Semita. Ikkei ir ekewe mwän mwirimwirin Manasa nöün Josef we mwän lon tettelin ar kewe famili.

Josua 18:23

Awim, Para me Ofra,

Soukapwüng 13:3

Iwe, nöün ewe Samol mi Lapalap chon läng a pwä ngeni ewe fefin o üreni, “Nengeni, kosap nöünöü, pun ka rit. Nge iei kopwe pwopwo o nöüni eman ät.

Soukapwüng 13:6

Mürin, ewe fefin a feila ren pwülüan o üreni, “Eman aramasen Kot a feito rei, nge won mesan a usun chök won mesen eman nöün Kot chon läng mi fokun eniwokus. Üsap aisini ia a feito me ie, nge i esap üreniei itan.

Soukapwüng 5:23

‘Oupwe anümamaua chon ewe telinimw Meros,’ nöün ewe Samol mi Lapalap chon läng a apasa. ‘Oupwe fokun anümamaueer, pun resap feito pwe repwe alisi ewe Samol mi Lapalap le maun ngeni ekewe chon pwora.’

Soukapwüng 6:12

Iwe, nöün ewe Samol mi Lapalap we chon läng a pwä ngeni Kition o üreni, “Ewe Samol mi Lapalap a etuk, en sounfiu mi pwora.”

Soukapwüng 8:2

Nge Kition a üreniir, “Met ngang üa föri epwe fen nönnö ngeni mine ämi oua föri? Ifa usun, esap mürina rusien chon Efraim föün irän wain mürin fansoun räs, lap seni resin föün irän wain än chon ewe eterekesin Apieser?

Soukapwüng 9:5

Iwe, a feila ren imwen saman we lon Ofra o niela ükükün fik pwin kewe nöün Kition won eföü chök fau. Nge Jotam nöün Kition setiputur a chüen manau, pun a op.