Soukapwüng 6:10 - Chuukese Bible

¹⁰ Iwe, üa ürenikemi, ‘Ngang ewe Samol mi Lapalap ämi we Kot. Ousap fel ngeni än chon Amor kewe kot, ir chokewe oua fen nonom lon fanüer.’ Nge ämi ousap aüselinga aloi.”

Soukapwüng 6:10 Iomraidhean Croise

2. King 17:13

Nge ewe Samol mi Lapalap a tinala nöün kewe soukünö me soufos ren ekewe chon Israel me chon Juta, pwe repwe üreniir, “Oupwe likitala ämi föför mi ngau o aleasochisi ai kewe allük me pwüüng, ekewe allük meinisin üa allük ngeni ämi kewe lewo, üa pwal tinala remi nei kewe chon angang ekewe soufos, pwe repwe asile ngenikemi.”

2. King 17:33

Iei usun ra fel ngeni ewe Samol mi Lapalap, nge ra pwal fel ngeni püsin ar kewe kot lon örünien ekewe mwü, ewe ia ra feito me ie.

2. King 17:7

Iwe, ei a fis pokiten ekewe aramasen Israel ra tipis ngeni ewe Samol mi Lapalap ar we Kot mi emwenirewu seni ewe fanü Isip, seni fän nemenemen Farao ewe kingen Isip. Iwe, ra fel ngeni pwal ekoch kot

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Ekistos 34:12

Iwe, oupwe afälikemi pwe ousap föri eu pwon ngeni chon ewe fanü ia oupwe feila ie, pwe resap wiliti eu lenien likatup ngenikemi.

Ekistos 34:14

Ousap fel ngeni pwal eman kot, pun ngang ewe Samol mi Lapalap itei lukomong, ngang eman Kot mi lukomong won aramasei.

Än Salomon Fos 5:13

Üsap aüselinga alon nei kewe sense, üsap pwal aü selingei ngeni chokewe mi öüröüraei.

Jeremaia 10:2

Iei alon ewe Samol mi Lapalap, “Ousap föri föförün chon ekewe mwü, ousap pwal rükö ren ekewe asisilen fän läng, inamwo are chon ekewe mwü ra rükö rer.

Jeremaia 17:23

Nge ir resap rongorong ika aüseling. Ra ülöförea, pun resap rongorong o angei ai öüröür.’”

Jeremaia 3:13

Oupwe chök pwärätä ämi tipis, pwe oua ü ngeniei ngang ewe Samol mi Lapalap ämi we Kot. Oupwe pwärätä pwe oua chiechi ngeni ekewe koten ekis fän ekewe irä mi mwuresires, ousap pwal aleasochisi ai kapas. Ngang ewe Samol mi Lapalap üa kapas.

Jeremaia 3:25

Aipwe chapala lepwül fän säw, nge itengau epwe pwölükem. Pun aia tipis ngeni ewe Samol mi Lapalap äm we Kot, äm me äm kewe lewo seni lesäräföm tori ikenai. Äm aisap aleasochis ngeni ewe Samol mi Lapalap äm we Kot.”

Jeremaia 42:21

Iwe, ikenai üa pwäri ngenikemi alon ewe Samol mi Lapalap ach we Kot, nge ämi oua aleasolapa ekewe kapas meinisin a tini ngeniei pwe üpwe ürenikemi.

Jeremaia 43:4

Iei mine Johanan me ekewe meilapen mwichen sounfiu meinisin, pwal ekewe aramas meinisin resap aleasochis ngeni ewe Samol mi Lapalap, ar repwe nomotiu lon ewe fanü Juta.

Jeremaia 43:7

Iwe, ra feila ngeni ewe fanü Isip, pun resap aleasochisi alon ewe Samol mi Lapalap. Iwe, ra tori Tapanes.

Jeremaia 9:13

Iwe, ewe Samol mi Lapalap a pälüeni, “Ei a fis pokiten nei aramas ra likitala ai allük üa ngeniir. Resap aleasochisiei ika föri mine üa üreniir.

Sefanaia 3:2

Esap mochen rongorong mwelien Kot, esap etiwa an kapasen emirit. Esap lükü ewe Samol mi Lapalap, esap pwal kanoto ren.

Nöün Paulus Toropwe ngeni ekewe Souläng lon Rom 10:16

Nge sap aramas meinisin ra etiwa ewe Pworausen Manau. Aisea a püsin apasa, “Ai Samol, iö a lükü ewe kapas sia aronga?”

Ipru 5:9

Iwe, lupwen a unusöchüla manauan won fanüfan, a wiliti ewe popun küna manau esemüch fän iten chokewe mi aleasochis ngeni.

Josua 24:15

Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”

Soukapwüng 2:2

Nge ämi ousap pwonfengen me chon ei fanü. Oupwe atai ar kewe rongen asor.’ Nge ämi ousap aleasochis ngeni ai allük. Pwota oua föri ei?

Soukapwüng 6:9

Üa angasakemi seni chon Isip, pwal seni chokewe mi ariaföüükemi lon ei fanü. Üa asürela me mwemi o ngenikemi fanüer.