Soukapwüng 6:1 - Chuukese Bible

¹ Iwe, ekewe aramasen Israel ra pwal föri mine a ngau me fän mesen ewe Samol mi Lapalap. Iei mine a atolongeer fän nemenien chon Mitian lon ükükün fisu ier.

Soukapwüng 6:1 Iomraidhean Croise

Keneses 25:2

Neminewe a nöüni me won Apraham Simran, Joksan, Metan, Mitian, Ispak me Sua.

Keneses 37:28

Nge lupwen ekewe chon amömö seni Mitian ra toriir, ra efietä Josef me lon ewe pwang o amömöla ngeni ekewe mwirimwirin Ismael ren rüe föün moni silifer. Iwe, ekewe chon Ismael ra uwala Josef Isip.

Apakuk 3:7

Üa küna ekewe aramasen Kusan lon ar riaföü me ekewe aramasen Mitian fän ar chechech.

Numperis 22:4

Iwe, ekewe chon Moap ra kapas ngeni ekewe souakomwen Mitian, “Ei mwichemongun aramas epwe asomwa meinisin mine a nom ünüküch, usun eman ätemwänin kow a asomwa fetilin lemäl.” Nge Palak nöün Sipor mwän a kingen Moap lon ewe fansoun.

Ipru 11:32

Iwe, met üpwe sopwela le pworaus won? Esap naf fansoun ai üpwe kapas usun Kition, Parak, Samson, Jefta, Tafit, Samuel me ekewe soufos.

Soukapwüng 10:7

Iei mine ewe Samol mi Lapalap a fokun song ngeni chon Israel o asechirela ngeni chon Filistia me chon Amon

Soukapwüng 2:11

Mürin, ekewe aramasen Israel ra föri mine a ngau me fän mesen ewe Samol mi Lapalap o angang ngeni ekewe anü Paal.

Soukapwüng 6:13

Nge Kition a üreni, “Ai Samol, ika ewe Samol mi Lapalap a wesewesen etikem, pwota a fis ngenikem ekewe mettoch? Nge ikafa ekewe föför mi amwarar aia rong seni semelapem kewe, lupwen ra apworausa ngenikem usun än ewe Samol mi Lapalap emwenirewu seni Isip? Nge iei ewe Samol mi Lapalap a pöütikeemila o asechikeemilong lepöün chon Mitian.”