Soukapwüng 5:8 - Chuukese Bible

⁸ Lupwen chon Israel ra filätä ekewe kot mi fö, maun a tolong lon fanüer. Ifa usun, a wor ren faik ngeröü sounfiun Israel tittin maun ika siles?

Soukapwüng 5:8 Iomraidhean Croise

Jeremaia 19:4

Üpwe föri ei, pun ekewe aramas ra likitieila. Ra apiningaua pinin ei leni ren ar keni apach mi pwokus ngeni pwal ekoch kot, sokun kot ir me ar kewe lewo pwal ekewe kingen Juta resap sileer. Ra aura ei leni ren chan chokewe esap wor ar tipis.

Soukapwüng 2:12

Ra likitala ewe Samol mi Lapalap än ar kewe lewo we Kot mi emwenirewu seni ewe fanü Isip. Ra pwal popuetä le fel ngeni pwal ekoch kot än ekewe aramas mi nom ünükür. Ren ei ra asonga ewe Samol mi Lapalap.

Soukapwüng 2:17

Nge ir resap aleasochis ngeni nöür kewe soukapwüng. Ra kirikiringau ngeni ewe Samol mi Lapalap o fel ngeni pwal ekoch kot. Iwe, ra müttir tokola seni än semelaper kewe föför. Pun semelaper kewe ra aleasochis ngeni än ewe Samol mi Lapalap allük, nge ir resap föri iei usun.

Soukapwüng 4:3

A wor ükükün tiupükü wän Sisera woken mi för seni mächä. Iwe, a fokun ariaföüü chon Israel lon ükükün rüe ier. Mürin, ekewe chon Israel ra siö ngeni ewe Samol mi Lapalap pwe epwe alisiir.

Soukapwüng 5:11

Oupwe aüseling tikin musik arun ekewe chönüttu. Ikenan ra kakapasen mwareiti än ewe Samol mi Lapalap föför mi pwüng, an pwora me win lon ekewe sop lon Israel. Mürin, nöün ewe Samol mi Lapalap aramas ra karisitiu ngeni asamalapen ar kewe telinimw.

Soukapwüng 5:7

Ekewe sop lon Israel ra pön, ewer, ra pön tori en Tepora ka ütä, ka ütä pwe kopwe eman inelap lon Israel.