Soukapwüng 5:6 - Chuukese Bible

⁶ Lon ränin Samkar nöün Anat we mwän, lon ränin Jael ekewe mwichen aramas me man mi sai resap chüen sai, nge ekewe chon sai ra fetal won al mi chökis.

Soukapwüng 5:6 Iomraidhean Croise

2. Kronika 15:5

Lon ekewe fansoun esap wor eman aramas a tongeni saifetal fän kinamwe, pun chon ekewe fanü meinisin ra nonom lon osukosuk me fitikoko watte.

Kölfel 125:5

Nge chokewe mi rikila ngeni ekewe al mi pwor kopwe asechirela fiti ekewe chon föföringau. Kinamwe epwe nom lon Israel.

Aisea 33:8

Esap wor eman a fetal won ekewe alalap, esap pwal chüen wor chon saifeil. Ekewe pwonen atipeeufengen ra tala, ekewe chon pwärätä ra küna turunufas, nge aramas ra aücheangau.

Jeremaia 6:25

Sisap tongeni feiliwu lon ekewe mälämäl ika fetal won ekewe al, pun ewe mi oputakich a wor nöün ketilas, nge eniweniw a pweli ünüküch.”

Kölün kechü 1:4

Ekewe al mi ale ngeni Sion ra pönüla, pun esap chüen wor eman mi fetal wor ngeni ekewe chulap mi kefil. Ekewe asamalapen Sion meinisin ra pöla. Nöün kewe souasor ra ngüngü, nöün kewe föpwül ra nom lon riaföü, nge ewe telinimw a fokun weires lon an riaföü.

Kölün kechü 4:18

Ekewe chon oputakich ra operikich pwe sisap tongeni fetal won ach kewe al. Sopolan manauach a arapoto. Ränin manauach ra lea, pun fansoun ach mäla a torikich.

Lifitikos 26:22

Iwe, üpwe tinala ekewe manmwacho pwe repwe afeiengauakemi. Repwe niela nöümi semirit o ochei nöümi man, repwe pwal achokisikisikemiila pwe alen fanüemi repwe pönüla.

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.

Soukapwüng 3:31

Mürin Ehut, Samkar nöün Anat we mwän a filitä. Iwe, i a amanaua chon Israel ren an niela ükükün wonopükü chon Filistia ren efoch wichiwichin kow.

Soukapwüng 5:7

Ekewe sop lon Israel ra pön, ewer, ra pön tori en Tepora ka ütä, ka ütä pwe kopwe eman inelap lon Israel.