Soukapwüng 5:5 - Chuukese Bible

⁵ Ekewe chuk ra chechech fän mesen ewe Samol mi Lapalap, ewe chuk Sinai a chechech fän mesen ewe Samol mi Lapalap ewe Koten Israel.

Soukapwüng 5:5 Iomraidhean Croise

Kölfel 104:32

Lupwen a netiu won fanüfan, fanüfan a chechech. Lupwen a atapa ekewe chuk, ra ötüöt.

Kölfel 114:4

Ekewe chukutekia ra mwetemwet usun ekewe ätemwänin sip, ekewe chukutekison ra mwetemwet usun ekewe nienifön sip.

Kölfel 68:8

fanüfan a chechech, ekewe läng ra apüngätiu üt me fän mesen Kot. Ewe chuk Sinai a chechech me fän mesen Kot, ewe Koten Israel.

Kölfel 68:9

Ai Kot, ka apüngätiu ütomong ekis meinisin. Ka amürinala fanüom, lupwen a pwasala.

Kölfel 97:5

Ekewe chuk ra telila usun kiris me fän mesen ewe Samol mi Lapalap, me fän mesen ewe Samol mi nemeni unusen fanüfan.

Ekistos 19:18

Ewe chuk Sinai a pwölüla ren ötüöt, pun ewe Samol mi Lapalap a feitiu won lon ekkei. Nge ötün a ötütä usun ötün eu lenien um mi watte o unusen ewe chuk a fokun chechech.

Ekistos 20:18

Iwe, lupwen ekewe aramas meinisin ra rong ewe chopulap me tikin ewe rappwa o küna ewe fifi me ewe ötüöt mi ötütä seni ewe chuk, ra niuokus o chechech. Ra ütato me toau

Aisea 63:19

Aia wiliti eu mwichen aramas ra usun chök chokana kosamwo nemeniir seni me lom, ika usun chök chokana resap iteni noum.

Nahum 1:5

Ekewe chuk ra chechech me mwen ewe Samol mi Lapalap, nge ekewe chukutekison ra sönüla, fanüfan me meinisin mine a nom won ra chechech me fän mesan.

Apakuk 3:10

Ekewe chuk ra künok o chechech, üt a püngümongetiu seni läng. Ewe matau mi alolol a pwotä, nge nonoon kewe ra püngümong.

Ipru 12:18

Ämi ousap feito ngeni eu chuk oua tongeni atapa, ousap feito ngeni ewe chuk Sinai mi ngetenget ren ekkei, mi rochopwak me toputop me mölümöl,