Soukapwüng 5:12 - Chuukese Bible

¹² Kopwe pwätä, kopwe pwätä en Tepora. Kopwe pwätä, kopwe pwätä o chietä echö köl. Kopwe ütä, en Parak nöün Apinoam we mwän, kopwe emwenala noum kewe chon oola.

Soukapwüng 5:12 Iomraidhean Croise

Kölfel 108:2

Ekewe kitar me ükülele repwe pwök. Üpwe apwökü mallen rän.

Kölfel 57:8

Ngüni, kopwe pwök, ekewe kitar me ükülele repwe pwök. Üpwe apwökü mallen rän.

Kölfel 57:9

Ai Samol, üpwe kilisou ngonuk me lein ekewe mwichen aramas, üpwe kölün mwareituk me lein chon ekewe mwü.

Kölfel 68:18

A feitä won ewe chuk mi tekia o emwenätä chon oola lon an mwich mi tapwela mürin, a pwal angei lifang seni aramas, fokun seni chokewe mi ü ngeni, Kot ewe Samol mi Lapalap epwe nonom ikenan.

Aisea 14:2

Iwe, aramasen chomong mwü repwe aliwinala chon Israel ngeni poputän fanüer. Nge chon Israel repwe nöüniir chon angang mwän me chon angang fefin lon ewe fanü ewe Samol mi Lapalap a ngeniir. Repwe liapenala chokewe ra liapeniir me mwan, nge repwe nemeni chokewe ra nemeniir me lom fän pöchökül.

Aisea 33:1

Feiengauom, en chon kata, en kosamwo püsin tala. Feiengauom, chon atuputup mi afeiengau, nge esamwo wor eman a atupuk. Wesin om kata kopwe püsin tala, nge wesin om angangen atuputup mi afeiengau kopwe püsin tup o feiengau.

Aisea 51:17

Kopwe nela o pwätä, en Jerusalem, en mi ün seni än ewe Samol mi Lapalap kapen apwüng, a aünü ngonuk fän an song. Ka pwal apöla lölön ewe kap, iwe, ka mwäliel ren.

Aisea 51:9

Kopwe pwätä, kopwe pwätä, äm Samol mi Lapalap, kopwe aea om pöchökül o amanauakem. Kopwe pwätä o alisikem usun chök me lom lon ekewe fansoun ra la. Ifa usun, sap en ätewe a posu o atatakisi Rahap ewe trakon?

Aisea 60:1

Oupwe ütä, ämi aramasen Jerusalem, o saramala, pun ämi saram a war, nge lingen ewe Samol mi Lapalap a tineitikemi.

Jeremaia 31:26

Ren ei üa nela o nennefetal, üa kinamwe lon ai annut.

1. Korint 15:34

Oupwe miritila, iwe, oupwe ükütiu le föri tipis. Pun ekoch me leimi resap silei Kot, üa pwärätä ei pwe oupwe säw ren.

Efisos 4:8

Iei usun mine a mak lon ekewe Toropwe mi Pin: “Lupwen a feitä won ewe chuk mi fokun tekia, a emwenatä chomong chon oola lon an we mwich a pwal ngeni ekewe aramas lifanger.”

Efisos 5:14

Pun meinisin mine a pwäöchüla a saram. Iei mine a mak: “En chon möür, kopwe pwätä, kopwe towu seni mäla, pun Kraist epwe asaramok.”

2. Timoty 2:26

Mürin repwe miritila o sü seni ewe särin Tefil mi liapeniir, pwe repwe föri letipan.

Soukapwüng 5:13

Ekewe lusun aramas tekia ra karisitiu, nöün ewe Samol mi Lapalap aramas ra karisitiu rei pwe repwe maun ngeni ekewe chon pwora.