Soukapwüng 5:11 - Chuukese Bible

¹¹ Oupwe aüseling tikin musik arun ekewe chönüttu. Ikenan ra kakapasen mwareiti än ewe Samol mi Lapalap föför mi pwüng, an pwora me win lon ekewe sop lon Israel. Mürin, nöün ewe Samol mi Lapalap aramas ra karisitiu ngeni asamalapen ar kewe telinimw.

Soukapwüng 5:11 Iomraidhean Croise

Keneses 24:11

Iwe, lupwen ewe chon angang a tori ewe leni, a asösöü ekewe kamel lükün ewe telinimw ünükün eu chönüttu. Ei otun a tori lekuniol, lupwen fefin ra feito pwe repwe üfüf koluk.

Keneses 29:2

Nge lupwen a nenefetal, a küna eu chönüttu lon ewe mälämäl. Iwe, ülüpwi pwiin sip ra kon ünükün, pun iei ewe koluk chon ewe fanü ra aünü nöür kewe man seni. Iwe, ewe chönüttu a pinepin ngeni eföü fau mi fokun föümong.

Keneses 29:3

Iwe, lupwen ekewe pwiin man meinisin ra chufengen arun, ekewe chon mas ra akulu ewe fau seni leawen ewe chönüttu o aünü ekewe sip. Mürin ra pineesefäliela ewe chönüttu ngeni ewe fau.

Hiop 29:7

Lupwen üa feila ren asamalapen ewe telinimw o mot won ai lenien mot lon ewe lenieichu,

Kölfel 145:7

Repwe apworausa usun om kirikiröch mi lapalap o osomong le kölü om pwüng.

Kölfel 71:15

Iteiten rän üpwe apworausa usun om föför mi pwüng, pwal usun om amanauaei, inamwo ika üsap tongeni weweiti meinisin.

Aisea 12:3

Iwe, oupwe üfi koluk fän pwapwa seni ewe chönüttun kolukun manau.

Aisea 28:6

Epwe afisätä ekiekin pwüngüöch ngeni ätewe mi wiseni ewe wisen soukapwüng, epwe pwal apworai chokewe mi wisen asüela chon maun lükün asamalapen tittin ewe telinimw.

Jeremaia 7:2

pwe epwe feila o ütä leasamalapen ewe imwenfel. Epwe aronga ekei kapas ngeni ekewe chon Juta meinisin mi feito pwe repwe fel ngeni ewe Samol mi Lapalap,

Kölün kechü 5:4

Äm aia wisen möni ünümem koluk o mönätiu liwinin äm amwüch.

Kölün kechü 5:9

Äm aia fangala manauem, lupwen aia kütta enem mongö, pun mi wor chon ni aramas me lon ewe fanüapö.

Mika 6:5

Ämi nei aramas, oupwe pwal chechemeni mine Palak ewe kingen Moap a eäni rawangau ngenikemi, pwal mine Palam nöün Peor we mwän a eäni pälüen ngeni. Oupwe pwal chechemeni mine a fis, lupwen oua sai seni Sitim tori Kilkal, pwe oupwe silei mine Ngang ewe Samol mi Lapalap üa föri pwe üpwe amanauakemi.”

Tuteronomi 22:24

oupwe emwenirewu me ruoman leasamalapen ewe telinimw o monei ngeniir fau pwe repwe mäla. Ewe föpwül epwe ninnila, pun esap köri eman epwe alisi, nge a fen nom lon eu telinimw. Nge ewe mwän epwe ninnila, pun a tipis ngeni pwülüen chon arun. Iei usun oupwe limetawu ewe mi ngau seni leimi.

Tuteronomi 33:21

Ra filätä eu fanü mi mürina seni meinisin pwe repwe fanüeni, pun wisen eman chon nemenem a iseis fän iter. Iwe, lupwen mwänirelan ekewe aramas ra mwichefengen, ra apwönüetä än ewe Samol mi Lapalap allük me pwüüng.”

Soukapwüng 11:40

pwe ekewe föpwülün Israel ra feila ekis lon ükükün rüanü rän iteiten ier, pwe repwe kechüeiti ewe föpwül nöün Jefta ewe re Kiliat.

Soukapwüng 5:8

Lupwen chon Israel ra filätä ekewe kot mi fö, maun a tolong lon fanüer. Ifa usun, a wor ren faik ngeröü sounfiun Israel tittin maun ika siles?

1. Samuel 12:7

Iei oupwe ütä lon en me lenian, nge ngang üpwe aturukemi fän mesen ewe Samol mi Lapalap ren an kewe föför meinisin a föri ngenikemi, lupwen a amanauakemi me ämi kewe lewo.