Soukapwüng 5:10 - Chuukese Bible

¹⁰ Ämi mi wawa aas mi pwechepwech, ämi mi mot lon planket mi fokun mürina, pwal ämi mi fetal won al, oupwe köl.

Soukapwüng 5:10 Iomraidhean Croise

Kölfel 105:2

Oupwe köl ngeni, oupwe kölün mwareiti i, oupwe apworausa an kewe föför meinisin mi amwarar.

Kölfel 107:32

Repwe ingeiti Kot lon ewe mwichen aramas o mwareiti i lon ewe mwichen souakom.

Kölfel 145:11

Repwe kapas usun lingen mwum o apworausa usun om manaman,

Kölfel 145:5

Repwe kapas usun lingen om tekia, nge ngang üpwe ekinlonei usun amwararen om kewe föför.

Aisea 28:6

Epwe afisätä ekiekin pwüngüöch ngeni ätewe mi wiseni ewe wisen soukapwüng, epwe pwal apworai chokewe mi wisen asüela chon maun lükün asamalapen tittin ewe telinimw.

Sowel 3:12

“Chon ekewe mwün fanüfan repwe achufengeniir o feila lon ewe lemol ia epwe fis kapwüng ie. Pun ikenan Ngang ewe Samol mi Lapalap üpwe mot won lenien apwüng, pwe üpwe apwüngü chon ekewe mwü mi nom ünükün Israel.

Soukapwüng 10:4

A wor ilik nöün mwän mi wawa ilik aas, a pwal wor ilik ar telinimw lon ewe fanü Kiliat mi chüen iteni Hawot-jair tori ikenai.

Soukapwüng 12:14

A wor ükükün faik nöün Apton mwän, pwal ilik nöün nöün mwän mi wawa fik aas. Iwe, a soukapwüng lon Israel lon ükükün walu ier.