Soukapwüng 4:7 - Chuukese Bible

⁷ Üpwe panawu Sisera ewe samolun nöün Japin sounfiu. Epwe churuk me arun ewe chanpupu Kison fiti wan woken me nöün sounfiu. Iwe, üpwe föri met kopwe akufu ren.’”

Soukapwüng 4:7 Iomraidhean Croise

1. King 18:40

Mürin, Elias a üreni ekewe aramas, “Oupwe turufi nöün ewe anü Paal kewe soufos. Ousap mwüt ngeni eman pwe epwe sü.” Iwe, ra turufiir, nge Elias a emweniretiu ren ewe öüwö Kison o nirela ikenan.

Ekistos 14:17

Nge ngang üpwe aföreai letipen chon Isip pwe repwe tapwelong müriir. Iwe, üpwe alingaei won Farao me nöün mwicheichen sounfiu, won wan woken me oris, pwal won nöün sounfiu mi wawa oris.

Ekistos 14:4

Iwe, ngang üpwe aföreai letipen Farao pwe epwe tapweriir. Pun üpwe alinga itei won Farao me nöün mwicheichen sounfiu, pwe chon Isip meinisin repwe silei pwe ngang ewe Samol mi Lapalap.” Iwe, ekewe chon Israel ra föri iei usun.

Ekistos 14:8

Nge ewe Samol mi Lapalap a aföreai leluken Farao ewe kingen Isip, pwe a tapweri ekewe aramasen Israel, lupwen ra töpworawu.

Ekistos 21:13

Nge ika esap amolätä lon an ekiek an epwe niela ewe aramas, pwe a chök föri fän chechengau, epwe tongeni sü ngeni eu leni üpwe filätä fän itemi.

Josua 10:8

Iwe, ewe Samol mi Lapalap a üreni Josua, “Kosap niuokusiitir, pun üa fen awinnok. Esap wor eman me leir epwe tongeni ü ngonuk.”

Josua 11:20

Pun ewe Samol mi Lapalap a aföreai leluker pwe repwe ü ngeni Israel lon maun. Ren ei ra atoto feiengau wor pwe ra fokun rosola, nge esap wor eman a ümöümöch ngeniir. Iei usun ewe Samol mi Lapalap a allük ngeni Moses.

Josua 11:6

Nge ewe Samol mi Lapalap a üreni Josua, “Kosap niuokusitiir, pun iei otun lesor üpwe atolongeer meinisin lepöün chon Israel, nge ir mei mä. Kopwe pökü selin pechen nöür kewe oris o kenala war kewe woken.”

Josua 8:7

Mürin ämi oupwe ütä seni ämi lenien op o tolong lon ewe telinimw, pun ewe Samol mi Lapalap ämi we Kot epwe atolonga lepöümi.

Soukapwüng 4:14

Mürin, Tepora a üreni Parak, “Kopwe feila. Pun iei ewe rän ewe Samol mi Lapalap a awinnok lon pwe kopwe akufu Sisera. Ifa usun, ewe Samol mi Lapalap esap akom mwom?” Iei mine Parak a feitiu seni ewe chuk Tapor, nge engol ngeröü mwän ra tapwela mürin.

Soukapwüng 4:8

Mürin, Parak a üreni Tepora, “Are en kopwe etiei, üpwe feila. Nge are kosap etiei, üsap feila.”

Soukapwüng 5:21

Pupun ewe chanpupu Kison a opurela, pupun ewe chanpupu Kison mi pumong. Üpwe kakaris fän pöchökül.

1. Samuel 24:10

Ikenai ka püsin küna pwe ewe Samol mi Lapalap a atolongok fän nemeniei me lon ewe föimw. Ekoch nei kewe aramas ra peseei pwe üpwe niikela, nge ngang üa achikok. Üa üreniir pwe üsap angetä womw, en ai samol, pun en ewe mi kepit me ren ewe Samol mi Lapalap.’

1. Samuel 24:18

Ikenai ka pwärätä usun om kirikiröch ngeniei. Ewe Samol mi Lapalap a atolongaei fän nemeniom, nge en kosap nieila.