Soukapwüng 4:4 - Chuukese Bible

⁴ Lon ena fansoun Tepora ewe soufos fefin pwülüen Lapitot a soukapwüngün Israel.

Soukapwüng 4:4 Iomraidhean Croise

2. King 22:14

Iei mine ewe souasor Hilkia me Ahikam, Akpor, Safan, pwal Asaia ra feila ren ewe soufos fefin Hulta mi nom lon ewe aruuen kinikinin ewe telinimw Jerusalem, pwülüen neminei Salum nöün Tikwa we mwän, nge Tikwa nöün Haras. Salum a wisen tütümwünü üföüfen lon ewe imwenfel. Iwe, ra apworausa ngeni neminewe mine a fis.

Nehemia 6:14

Iwe, üa iotek, “Ai Kot, kopwe chechemeni mine Topia me Sanpalat ra föri. Kopwe pwal chechemeni ewe soufos fefin Noatia me ekewe lusun soufos mi mochen aniuokusuei.”

Ekistos 15:20

Iwe, Miriam fefinen Aaron eman soufos fefin a angei an pisekin kaktai, nge ekewe fefin meinisin ra tapwela mürin fän ar pisekin kaktai o pworuk.

Isikiel 13:17

Iwe, ewe Samol mi Lapalap a apasa, “Nöün aramas, iei kopwe sape ngeni ekewe fefin lein noum aramas mi osuni seni püsin ar ekiek. Iwe, kopwe osuni usun ar repwe feiengau o apasa,

Mika 6:4

Üa emwenikemiiwu seni ewe fanü Isip o angasakemi seni ewe fanü ia ra nöünikemi amanau ie. Üa tinala Moses, Aaron me Miriam pwe repwe akom mwemi.

Lukas 2:36

Iwe, mi pwal wor eman soufos fefin itan Anna nöün Fanuel seni ewe ainangen Aser. Ei fefin a fokun chinlap, ra manaufengen me pwülüan lon ükükün fisu ier chök mürin ar apwüpwülü.

Föför 21:9

Ätei a wor föman nöün föpwül resap pwüpwülü, ra tongeni pwäri mine a monomon.

1. Korint 11:5

Nge are eman fefin epwe iotek ika pwärätä met mi monomon lon imwenfel, nge esap pwölüela möküran, neminei a aitengaua pwülüan möküran we. Esap wor sokofesenin neminei me eman fefin mi reipöpöla möküran.

Kalatia 3:28

Esap wor sokofesenin lefilen chon Juta me chon lükün Israel, lefilen amanau me aramas mi ngas, lefilen mwän me fefin, pun ämi meinisin oua eufengen lon Kraist Jesus.

Soukapwüng 4:3

A wor ükükün tiupükü wän Sisera woken mi för seni mächä. Iwe, a fokun ariaföüü chon Israel lon ükükün rüe ier. Mürin, ekewe chon Israel ra siö ngeni ewe Samol mi Lapalap pwe epwe alisiir.

Soukapwüng 4:5

Iwe, neminewe a soun momot fän efoch irä palm mi nom lefilen Rama me Petel won chukuchukutän ewe fanü Efraim. Iwe, ekewe aramasen Israel ra feito ren pwe epwe eäni ar kapwüng.

Soukapwüng 5:1

Iwe, lon ewe ränin, Tepora me Parak nöün Apinoam we mwän ra köl ei köl: