Soukapwüng 4:16 - Chuukese Bible

¹⁶ Nge Parak a tapweri ekewe woken me ekewe sounfiu tori Haroset-hakoim. Iwe, nöün Sisera sounfiu ra mäla meinisin ren ketilas. Esap wor eman a chüen manau.

Soukapwüng 4:16 Iomraidhean Croise

Kölfel 104:35

Ekewe chon tipis repwe rosola seni won fanüfan, nge ekewe aramasangau repwe mochola. Ngüni, kopwe mwareiti ewe Samol mi Lapalap. Ousipwe mwareiti ewe Samol mi Lapalap.

Kölfel 83:10

Ir ra ninnila me Entor, inisir a usun chök kiten mongö won pwül.

Kölfel 83:9

Kopwe föri ngeniir usun mine ka föri ngeni chon Mitian, usun mine ka föri ngeni Sisera me Japin arun ewe chanpupu Kison.

Ekistos 14:28

Lölön lon a liwinfengen o pwölüela ekewe woken me ekewe sounfiu mi wawa oris, nöün Farao mwichen sounfiu meinisin mi tapweralong chon Israel lon ewe sät. Esap fokun wor eman leir a chüen manau.

Aisea 43:17

A pwal emwenala woken me oris me mwicheichen sounfiu mi pwora ngeni feiengau. Iwe, ra turula, nge resap tongeni pwätäsefäl. Ra muuk o kunula usun efoch wik.

Nöün Paulus Toropwe ngeni ekewe Souläng lon Rom 2:12

Iwe, ekewe chon lükün Israel esap wor rer än Moses kewe Allük, ra tipis o pöütmwälila, inamwo ika esap wor rer ekewe Allük. Ekewe chon Juta a wor rer ekewe Allük. Ra tipis o küna apwüng ren mine a mak lon ekewe Allük.

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.

Josua 10:10

Iwe, ewe Samol mi Lapalap a atolongeer lon niuokus watte, lupwen ra küna ekewe chon Israel. Nge Josua a fokun akufuur o nirela me lon Kipeon, a pwal tapweriretiu won ewe al ngeni Pet-horon o sopwela le nirela tori Aseka me Maketa.

Josua 11:8

Iwe, ewe Samol mi Lapalap a awinna chon Israel, pwe ra akufuur o tapweriir tori Sitonlap me Misrefot-maim, pwal tori ewe lemolun Mispa mi nom ötiu. Iwe, ra nirela meinisin tori esap chüen wor eman mi manau.

Soukapwüng 4:17

Nge Sisera a sü ngeni imwen Jael pwülüen Heper ewe re Ken. Pun mi wor kinamwe lefilen Japin ewe kingen Hasor me ewe familien Heper ewe re Ken.

Soukapwüng 4:2

Iei mine ewe Samol mi Lapalap a asechirela ngeni Japin ewe kingen Kanaan mi nemenem lon Hasor. Iwe, ewe samolun nöün mwichen sounfiu itan Sisera, a imweimw lon Haroset-hakoim.