Soukapwüng 4:13 - Chuukese Bible

¹³ a titi wan kewe woken meinisin ükükün tiupükü woken seni mächä, pwal nöün sounfiu meinisin mi nom fän nemenian, pwe repwe feila seni Haroset-hakoim tori ewe chanpupu Kison.

Soukapwüng 4:13 Iomraidhean Croise

1. King 18:40

Mürin, Elias a üreni ekewe aramas, “Oupwe turufi nöün ewe anü Paal kewe soufos. Ousap mwüt ngeni eman pwe epwe sü.” Iwe, ra turufiir, nge Elias a emweniretiu ren ewe öüwö Kison o nirela ikenan.

Josua 17:16

Nge chon ewe ainangen Josef ra apasa, “Ewe fanü mi chukuchukutä esap naf ngenikem. Nge ekewe chon Kanaan meinisin mi nom lon ewe maasies a wor war woken seni mächä, chokewe mi nom Pet-sean pwal lon wisoposopun me chokewe mi nom lon ewe lemolun Jesreel.”

Soukapwüng 1:19

Ewe Samol mi Lapalap a eti ekewe chon Juta, pwe ra liapeni ewe fanü mi chukuchukutä o fanüeni. Nge resap tongeni asüela aramasen lon ewe maasies, pun a wor war woken seni mächä.

Soukapwüng 4:12

Iwe, lupwen Sisera a rongorong pwe Parak nöün Apinoam we mwän a feitä won ewe chuk Tapor,

Soukapwüng 4:7

Üpwe panawu Sisera ewe samolun nöün Japin sounfiu. Epwe churuk me arun ewe chanpupu Kison fiti wan woken me nöün sounfiu. Iwe, üpwe föri met kopwe akufu ren.’”

Soukapwüng 5:19

Ekewe king ra feito o maun. Ekewe kingen Kanaan ra maun me lon Taanak arun ekewe kolukun Mekito. Nge esap wor liaper silifer.