Soukapwüng 3:9 - Chuukese Bible

⁹ Nge lupwen ekewe aramasen Israel ra siö ngeni ewe Samol mi Lapalap, a filätä eman chon amanau fän iter, pwe epwe amanaueer. Iwe, iten ätei Otniel nöün Kenas we mwän, nge Kenas pwin Kalep kükün.

Soukapwüng 3:9 Iomraidhean Croise

Nehemia 9:27

Iei mine ka asechirelong lepöün chon oputeer mi ariaföüür. Iwe, lon fansoun ar riaföü ra siö ngonuk, nge en ka aüselingeer seni läng. Lon om ümöümöch mi lapalap ka ngeniir souemwen mi angaseer seni lepöün chon oputeer.

Kölfel 22:5

Ra siö ngonuk, nge en ka amanaueer, ra apilükülukuk, nge resap lichipüng.

Kölfel 78:34

Nge lupwen Kot a niela ekoch me leir, ekewe mi chüen manau ra kütta i. Ra ekieksefäl o tiliken le iotek ngeni.

Josua 15:17

Iwe, Otniel nöün Kenas we mwän, nge Kenas pwin Kalep, a liapeni ewe telinimw. Iwe, Kalep a ngeni nöün we föpwül Aksa pwe pwülüan.

Soukapwüng 1:13

Iwe, Otniel nöün Kenas we mwän, nge Kenas pwin Kalep kükün, a liapeni ewe telinimw. Mürin, Kalep a ngeni nöün föpwül Aksa pwe pwülüan.

Soukapwüng 10:10

Mürin, ekewe aramasen Israel ra siö ngeni ewe Samol mi Lapalap o apasa, “Äm aia tipis ngonuk, pun aia likitukela, en äm Kot, o angang ngeni ekewe anü Paal.”

Soukapwüng 2:16

Mürin, ewe Samol mi Lapalap a filätä soukapwüng, repwe amanaua chon Israel seni fän nemenemen chokewe mi soläni pisekir fän pöchökül.

Soukapwüng 2:18

Iwe, iteiten fansoun, lupwen ewe Samol mi Lapalap a filätä soukapwüng fän iter, a eti ewe soukapwüng o amanaua ekewe aramas seni chon oputeer lon ükükün ränin manauen ewe soukapwüng. Pun ewe Samol mi Lapalap a tongeäsiniir pokiten ar riaföü ren chokewe mi ariaföüür o aweiresiir.

Soukapwüng 3:15

Mürin, ekewe aramasen Israel ra siö ngeni ewe Samol mi Lapalap, nge i a filätä eman chon amanau fän iter itan Ehut nöün Kera we mwän, eman re Peniamin. Nge Ehut eman tamöng. Iwe, ekewe aramasen Israel ra tini ngeni Ehut ar takises ngeni Eklon ewe kingen Moap.

Soukapwüng 3:8

Iei mine ewe Samol mi Lapalap a song ngeni ekewe chon Israel o asechirela ngeni Kusan-risataim ewe kingen Mesopotamia. Iwe, ekewe aramasen Israel ra angang ngeni Kusan-risataim lon ükükün walu ier.

Soukapwüng 4:3

A wor ükükün tiupükü wän Sisera woken mi för seni mächä. Iwe, a fokun ariaföüü chon Israel lon ükükün rüe ier. Mürin, ekewe chon Israel ra siö ngeni ewe Samol mi Lapalap pwe epwe alisiir.

Soukapwüng 6:7

Lupwen ekewe aramasen Israel ra siö ngeni ewe Samol mi Lapalap pokiten ekewe chon Mitian,

1. Samuel 12:10

Mürin ra siö ngeni ewe Samol mi Lapalap o apasa, ‘Äm aia tipis, pun aia likitukela en äm Samol mi Lapalap o angang ngeni ekewe uluulun Paal me Astarot. Nge iei kopwe angasakem seni chon oputakem. Iwe, äm aipwe angang ngonuk.’