Soukapwüng 3:8 - Chuukese Bible

⁸ Iei mine ewe Samol mi Lapalap a song ngeni ekewe chon Israel o asechirela ngeni Kusan-risataim ewe kingen Mesopotamia. Iwe, ekewe aramasen Israel ra angang ngeni Kusan-risataim lon ükükün walu ier.

Soukapwüng 3:8 Iomraidhean Croise

Keneses 24:10

Mürin, ewe chon angang a angei seni an samol engol kamel pwal chomong sokun lifang o feila lon ewe telinimwen Nahor mi nom efeng lon ewe fanü Mesopotamia.

Kölfel 106:41

A asechirela fän nemenien chon ekewe mwü, pwe chokewe mi oputeer ra nemeniir.

Kölfel 129:1

Israel epwe apasa, “Chon oputaei ra fokun ariaföüüei seni leküküni.

Kölfel 44:12

Ka amömöla noum kewe aramas ren liwin mi kisikis, nge kosap angei och win ren om amömörela.

Kölfel 6:1

Ai Samol mi Lapalap, kosap amiritiei lon om song, kosap pwal apwüngüei lon om lingeringer.

Kölfel 85:3

Ka aükätiu om lingeringer ngeniir o wes seni om song mi fokun lapalap.

Ekistos 22:24

Üpwe fokun song ngenikemi o nikemi lon maun pwe pwülüemi repwe lipichsefäl, nge nöümi repwe mäsen.

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.

Lifitikos 26:17

Üpwe ü ngenikemi, nge oupwe kuf ren chon oputakemi. Chokewe mi oputakemi repwe nemenikemi. Iwe, ämi oupwe sü, ngei esap wor eman a tapwerikemi.

Apakuk 3:7

Üa küna ekewe aramasen Kusan lon ar riaföü me ekewe aramasen Mitian fän ar chechech.

Nöün Paulus Toropwe ngeni ekewe Souläng lon Rom 7:14

Kich mi silei pwe ewe Allük sokun ngün, nge ngang sokun fituk, pwe üa nom fän nemenien tipis.

Tuteronomi 29:20

Iwe, ewe Samol mi Lapalap esap amusala än ätewe tipis. An song me an lukomong epwe küw ewe mwän, nge ekewe anümamau meinisin ra mak lon ei puk repwe nonom won, tori ewe Samol mi Lapalap epwe amoola itan seni won fanüfan.

Tuteronomi 32:30

Pwota eman mwän epwe tongeni tapweri engeröü, pwota ruoman repwe tongeni asüela engol ngeröü? Ifa usun, esap fis ei pokiten ar Kot a amömörela, pokiten ewe Samol mi Lapalap a asechirela?

Soukapwüng 2:14

Iei mine ewe Samol mi Lapalap a song ngeni chon Israel o mwüt ngeni ekoch aramas pwe repwe soläni pisekir fän pöchökül, a pwal asechirela ngeni chon oputer mi nom ünükür, pwe repwe nom fän nemenier, nge resap chüen tongeni pwora ngeniir.

Soukapwüng 2:20

Iei mine ewe Samol mi Lapalap a fokun song ngeni chon Israel o apasa, “Pokiten ekei aramas ra atai ai pwon üa pwon ngeni ar kewe lewo, nge resap aleasochisi aloi,

Soukapwüng 3:10

Iwe, Ngünün ewe Samol mi Lapalap a feitiu won Otniel pwe a soukapwüngün Israel. A feila maun, nge ewe Samol mi Lapalap a atolonga Kusan-risataim ewe kingen Mesopotamia fän nemenian, pwe a akufu.

Soukapwüng 3:7

Iwe, ekewe chon Israel ra manlükala ewe Samol mi Lapalap ar we Kot. Ra föri mine a ngau me fän mesan o fel ngeni ekewe anü Paal me Astarot.

Soukapwüng 3:9

Nge lupwen ekewe aramasen Israel ra siö ngeni ewe Samol mi Lapalap, a filätä eman chon amanau fän iter, pwe epwe amanaueer. Iwe, iten ätei Otniel nöün Kenas we mwän, nge Kenas pwin Kalep kükün.

Soukapwüng 4:9

Iwe, Tepora a üra, “Üpwe fokun etuk. Nge ei sokun lapalap ka eäni, kosap ling ren, pun ewe Samol mi Lapalap epwe atolonga Sisera lepöün eman fefin.” Mürin, Tepora a ütä o eti Parak tori Ketes.

1. Samuel 12:9

Nge ra manlükala ewe Samol mi Lapalap ar we Kot. Iei mine a mwüt ngeni Sisera ewe samolun mwichen sounfiu seni Hasor, pwal ekewe chon Filistia me ewe kingen Moap pwe repwe maun ngeni ämi kewe lewo o akufuur.