Soukapwüng 3:7 - Chuukese Bible

⁷ Iwe, ekewe chon Israel ra manlükala ewe Samol mi Lapalap ar we Kot. Ra föri mine a ngau me fän mesan o fel ngeni ekewe anü Paal me Astarot.

Soukapwüng 3:7 Iomraidhean Croise

1. King 16:33

Ahap a pwal föri uluulun ewe anüfefin Asera. A alapala an föföringau o asonga ewe Samol mi Lapalap ewe Koten Israel lap seni ekewe kingen Israel meinisin mi akom mwan.

1. King 18:19

Iei kopwe titi o amwichafengenieto rei chon Israel meinisin me won ewe chuk Karmel. Iwe, repwe pwal feito ekewe föpükü lime soufos nöün ewe anü Paal, pwal ekewe föpükü soufos nöün ewe anüfefin Asera mi mongö seni än Isipel chepel.”

2. King 23:14

Ewe king Josia a atatakisi ekewe ür mi pin o pöküetiu ekewe uluulun ewe anüfefin Asera, a pwal amasoua lenier kewe ren chün aramas.

2. King 23:6

Iwe, a uwawu uluulun ewe anüfefin Asera seni imwen ewe Samol mi Lapalap o uwala lükün Jerusalem lon ewe lemolun Kitron. Ikenan a kenala, a üsi molian tori a wiliti falang o moneela won lenien peiasen ekewe aramas.

2. Kronika 15:16

Ewe king Asa a pwal awesi Maaka inelapen saman we seni wisan wisen inelapen king, pun a föri eu uluulun ewe anüfefin Asera mi fokun anioput. Iwe, Asa a pöküetiu o atatakisi ei uluulun anümwäl o kenala me arun ewe öüwö Kitron.

2. Kronika 24:18

Iei mine ekewe aramas ra ükütiu le fel lon imwen ewe Samol mi Lapalap än semelaper we Kot o fel ngeni ekewe uluulun ewe anüfefin Asera me ekewe uluulun anümwäl. Ren ei Kot a song ngeni chon Juta me Jerusalem, pun ra tipis.

2. Kronika 33:19

Än Manasa iotek, pwal usun än Kot etiwa an tüngor, an kewe tipis meinisin me an kirikiringau, pworausen ekewe leni tekia ia a aüetä ie ekewe lenien fel, pwal usun an aüetä uluulun ewe anüfefin Asera me ekewe uluulun anümwäl mwen an ekieksefäl, meinisin a makelong lon puken uruwon ekewe soufos.

2. Kronika 33:3

Pun a aüsefälietä ekewe lenien fel won ekewe leni tekia, Hiskia saman we a atarela. A senätä rongen asor fän iten ewe anü Paal o föri uluulun ewe anüfefin Asera, a pwal fel ngeni ekewe fün läng meinisin.

2. Kronika 34:3

Iwe, lon awaluen ierin mwün Josia, lupwen a chüen eman alüalät, a popuetä le fel ngeni än Tafit an we lewo we Kot. Nge lon engol me ruuen ierin mwün a popuetä le atai me lon Juta me Jerusalem ekewe lenien fel won ekewe leni tekia, ekewe uluulun ewe anüfefin Asera me ekewe uluulun anümwäl mi fal pwal ekewe uluulun anümwäl seni mächä.

2. Kronika 34:7

Josia a amökätiu ekewe rongen asor o fokun atatakisi ekewe uluulun ewe anüfefin Asera me ekewe uluulun anümwäl, pwe ra wewe ngeni pwül moromor. A pwal ataetiu ekewe rongen asoren ötüöt meinisin lemenen unusen ewe fanü Israel. Mürin, Josia a liwiniti Jerusalem.

Kölfel 106:35

Nge ra pwüpwülüfengen me chon ekewe mwü o föri sokun föför usun mine ir ra föri.

Kölfel 106:36

Ra fel ngeni ar kewe uluulun anümwäl, nge ekewe uluulun anümwäl ra wiliti eu likatup ngeniir.

Kölfel 106:7

Lupwen äm kewe lewo ra nom lon Isip, resap ekieki än Kot kewe föför mi amwarar, resap pwal chechemeni an tong ellet mi lapalap, nge ra ü ngeni Ewe mi Unusen Tekia me arun ewe Setipar.

Ekistos 34:13

Nge oupwe amökkätiu ar kewe rongen asor, oupwe atatakisi ar kewe ürefau mi pin o pöküetiu ar kewe uluulun ewe anüfefin Asera.

Jeremaia 23:27

Ra ekieki pwe nei aramas repwe manlükieila ren ar apworausafeili leir ar kewe tan, usun ar kewe lewo ra manlükieila o kul ngeni ewe anü Paal.

Tuteronomi 16:21

Iwe, lupwen oupwe senätä eu rongen asor fän iten ewe Samol mi Lapalap ämi we Kot, ousap pwal fotuki och sokun irä pwe uluulun ewe anüfefin Asera ünükün.

Tuteronomi 4:9

“Iwe, oupwe afälikemi o tümwünükemi pwe ousap manlükala ekewe mettoch mesemi ra fen küna, ousap pwal mwüt ngeni pwe repwe ettiwu seni lon lelukemi lon ränin manauemi meinisin. Nge oupwe aiti ngeni nöümi me nöün nöümi,

Tuteronomi 8:11

“Iwe, oupwe afälikemi pwe ousap manlükala ewe Samol mi Lapalap ämi we Kot ren ämi aleasolap ngeni an kewe allük me pwüüng üa ngenikemi ikenai.

Tuteronomi 8:14

ousap lamalamtekia lon lelukemi o manlükala ewe Samol mi Lapalap ämi we Kot mi emwenikemiiwu seni ewe fanü Isip, ewe leni ia ra nöünikemi amanau ie.

Tuteronomi 8:18

Nge oupwe chechemeni ewe Samol mi Lapalap ämi we Kot, pun i a ngenikemi pöchökül pwe oupwe pisekisek. Iwe, a apwönüetä an pwon a eäni fän akapel ngeni ämi kewe lewo, usun a fis ikenai.

Soukapwüng 3:12

Iwe, ekewe aramasen Israel ra pwal förisefäli mine a ngau me fän mesen ewe Samol mi Lapalap. Iei mine ewe Samol mi Lapalap a apöchöküla Eklon ewe kingen Moap, pwe a ü ngeni chon Israel.

Soukapwüng 3:8

Iei mine ewe Samol mi Lapalap a song ngeni ekewe chon Israel o asechirela ngeni Kusan-risataim ewe kingen Mesopotamia. Iwe, ekewe aramasen Israel ra angang ngeni Kusan-risataim lon ükükün walu ier.

Soukapwüng 6:25

Iwe, lon ewe pwinin ewe Samol mi Lapalap a üreni Kition, “Kopwe angei nöün semom ätemwänin kow, ewe aruomanün ätemwänin kow fisu ierin o ataela än semom rongen asor fän iten ewe anü Paal. Kopwe pwal pöküetiu uluulun ewe anüfefin Asera mi nom ünükün.

Soukapwüng 8:33

Mürin chök än Kition mäla, ekewe aramasen Israel ra kulsefäl seni Kot o fel ngeni ekewe anü Paal, ra pwal filätä Paal-perit pwe ar kot.

Soukapwüng 8:34

Iwe, ekewe aramasen Israel resap chüen angang ngeni ewe Samol mi Lapalap ar we Kot mi amanaueer seni chon oputer meinisin mi nom pwelin ünükür.

1. Samuel 12:10

Mürin ra siö ngeni ewe Samol mi Lapalap o apasa, ‘Äm aia tipis, pun aia likitukela en äm Samol mi Lapalap o angang ngeni ekewe uluulun Paal me Astarot. Nge iei kopwe angasakem seni chon oputakem. Iwe, äm aipwe angang ngonuk.’

1. Samuel 12:9

Nge ra manlükala ewe Samol mi Lapalap ar we Kot. Iei mine a mwüt ngeni Sisera ewe samolun mwichen sounfiu seni Hasor, pwal ekewe chon Filistia me ewe kingen Moap pwe repwe maun ngeni ämi kewe lewo o akufuur.