Soukapwüng 3:5 - Chuukese Bible

⁵ Iei mine ekewe aramasen Israel ra nonom lein ekewe chon Kanaan, chon Hit, chon Amor, chon Peris, chon Hiw me chon Jepus.

Soukapwüng 3:5 Iomraidhean Croise

Keneses 13:7

Nge a wor aninifengen lefilen nöün Apram kewe chon fofol man me nöün Lot kewe chon fofol man. Lon ena fansoun ekewe chon Kanaan me chon Peres ra imweimw lon ewe fanü.

1. King 9:20

Iwe, Salomon a nöüni chon angang ekewe aramas mi chüen manau seni ekewe chon Amor, chon Hit, chon Peris, chon Hiw me ekewe chon Jepus. Ir sap aramasen Israel,

Nehemia 9:8

Ka küna pwe a allükülük ngonuk, ka föri eu pwon ngeni pwe kopwe ngeni mwirimwirin kana ewe fanüen chon Kaanan, chon Hit, chon Amor, chon Peris, chon Jepus me chon Kirkas, pwe repwe fanüeni. En ka apwönüetä om we pwon, pun ka pwüng.

Ekistos 3:17

Iwe, üa pwon ngenikemi pwe üpwe emwenikemiiwu seni lon Isip, ewe leni ia oua riaföü ie, o emwenikemiilong lon fanüen chon Kanaan, chon Hit, chon Amor, chon Peris, chon Hiw me chon Jepus, eu fanü mi pwülüöch o fanüeräs.’

Ekistos 3:8

Iwe, üa feitiu pwe üpwe angaseer seni chon Isip, üpwe pwal emwenirewu seni ewe fanü o emwenirelong lon eu fanü mi öch o watte, eu fanü mi pwülüöch o fanüeräs, fanüen chon Kanaan, chon Hit, chon Amor, chon Peris, chon Hiw me chon Jepus.

Ekistos 34:16

Nge are oua apwüpwülüa nöümi mwän ngeni nöür föpwül mi fel ngeni ar kewe kot, ir repwe atupu nöümi mwän pwe repwe pwal föri iei usun.

Numperis 13:29

Ekewe chon Amalek ra nonom lon ewe fanü Nekep. Iwe, ekewe chon Hit, chon Jepus me chon Amor ra nonom lon ewe fanü mi chukuchukutä, nge ekewe chon Kanaan ra nonom aroset me aropen ewe chanpupu Jortan.”

Tuteronomi 7:1

“Iwe, ewe Samol mi Lapalap ämi we Kot epwe emwenikemiilong lon ewe fanü oukärän tolong lon pwe oupwe fanüeni, epwe pwal asüela chomong mwü me mwemi: ekewe chon Hit, chon Kirkas, chon Amor, chon Kanaan, chon Peris, chon Hiw me chon Jepus, ir ekewe fisu mwü mi watte o pöchökül senikemi.

Josua 11:3

Iwe, a titi ekewe chon Kanaan mi nom ötiu me lotou, ekewe chon Amor, chon Hit, chon Peris me chon Jepus mi nom lon ewe fanü mi chukuchukutä, pwal ekewe chon Hiw mi nom fäsonun ewe chuk Hermon lon ewe fanü Mispa.

Josua 9:1

Iwe, pworausen än chon Israel win a tori ekewe king meinisin mi nom lotoun ewe chanpupu Jortan, lon ewe fanü mi chukuchukutä me ewe fanü tekison, unusen arosetin ewe matau watte tori ewe chuk Lepanon. Ir ekewe kingen chon Hit, chon Amor, chon Kanaan, chon Peris, chon Hiw me chon Jepus.

Soukapwüng 1:4

Lupwen ra feila maun, ewe Samol mi Lapalap a awinner, pwe ra akufu ekewe chon Kanaan me chon Peris. Iwe, ra niela ükükün engol ngeröü mwän me leir me lon Pesek.

Soukapwüng 1:5

Ikenan ra sereni ewe king Atoni-pesek o maun ngeni, ra pwal akufu ekewe chon Kanaan me chon Peris.