Soukapwüng 3:1 - Chuukese Bible

¹ Iwe, ewe Samol mi Lapalap a likiti ekoch mwü lon ewe fanü pwe epwe sotuni chon Israel rer, chokewe resap mwo eti maun fän eu lon Kanaan.

Soukapwüng 3:1 Iomraidhean Croise

1. King 9:21

nge mwirimwirin chokewe mi chüen manau lon ewe fanü ekewe aramasen Israel resap tongeni aroserela. Ikkei ir chokewe Salomon a nöüniir amanau. Iei usun a chüen fis tori ikenai.

2. Kronika 32:31

Nge lupwen ekewe chon künö seni ekewe samolun Papilon ra feito ren, pwe repwe ais usun ewe asisil mi fis lon ewe fanü, Kot a likiti ngeni püsin i, pwe epwe sotuni o silei meinisin mine a nom lon lelukan.

Hiop 23:10

Nge Kot a silei ewe al üa fetal won. Lupwen a sotuniei, a pwä pwe üa usun kolt.

Ekistos 15:25

Mürin, Moses a kökköri ewe Samol mi Lapalap, nge ewe Samol mi Lapalap a aiti ngeni efoch irä. Iwe, a aturalong ewe irä lon ewe koluk, mürin ewe koluk a öchün ün. Ikenan ewe Samol mi Lapalap a ngeniir an allük me pwüüng pwe repwe apwönüretä. Ikenan a sotuniir

Än Salomon Fos 17:3

Silifer me kolt ra limelim lon ewe lenien ketel, nge ewe Samol mi Lapalap a sotuni leluken aramas.

Jeremaia 6:27

Üa awisok, Jeremaia, pwe kopwe sotuni nei aramas usun eman a sotuni mächä. Kopwe sotuniir o küna ar kewe föför.

Sekaraia 13:9

Nge ewe eu leulüngatin mi chüen manau üpwe atolongeer lon ewe ekkeiin riaföü, pwe üpwe limetiir usun eman a limeti silifer lon ekkei, üpwe sotuniir usun eman a sotuni kolt won ekkei. Mürin repwe kökköri itei, nge ngang üpwe pälüeniir. Üpwe apasa, ‘Ämi nei aramas,’ nge ir repwe apasa, ‘Ewe Samol mi Lapalap i ach we Kot.’”

Johannes 2:24

Nge Jesus esap lükü ngeniir inisin, pun a silei ekiekin letiper.

Tuteronomi 7:22

Iwe, ewe Samol mi Lapalap ämi we Kot epwe asüela chon ekewe mwü me mwemi ekis me ekis. Ousap tongeni aroserela fän eu chök, pwe ekewe manmwacho resap chomongola o afeiengauakemi.

Tuteronomi 8:16

Iwe, a pwal amongökemi mana lon ewe fanüapö, eu mongö ämi kewe lewo resap küküna me mwan. A awarato weires womi pwe epwe atekisonakemi o sotunikemi, pun epwe afeiöchükemi lesopolan.

Tuteronomi 8:2

Oupwe chechemeni usun än ewe Samol mi Lapalap ämi we Kot emwenikemiila lon ewe fanüapö lon ekewe faik ier ra la. A awarato weires womi pwe epwe atekisonakemi o sotunikemi, pwe epwe silei met mi nom lon lelukemi, ika oupwe aleasochisi an kewe allük ika ousap.

1. Petrus 1:7

Popun ämi tolong lon sosot, pwe epwe pwä enletin ämi lükülük. Kolt mi tongeni tala, nge a ketel lon ekkei pwe epwe pwä ewe enletin kolt. Iei usun ämi lükülük mi aüchea seni kolt epwe fokun küna sosot, pwe epwe nükücharala. Mürin oupwe küna iteüöch me ling me itetekia lon ewe Rän lupwen Jesus Kraist epwe pwä.

1. Petrus 4:12

Ämi chienei mi achengicheng, ousap weitifengenikemi ren pwichikaren ewe riaföü a torikemi, pwe oupwe sosot ren. Ousap ekieki pwe iei och mine esap öch ngenikemi.

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.

Soukapwüng 1:1

Mürin än Josua mäla, ekewe aramasen Israel ra aisini ewe Samol mi Lapalap, “Iö lein ekewe ainang epwe akom le feila o maun ngeni ekewe chon Kanaan?”

Soukapwüng 2:10

Nge lupwen ewe pilon aramas meinisin ra pwal tapwela mürin semer kewe le mäla, a märitä eu pilon me mürir resap silei ewe Samol mi Lapalap, resap pwal silei ekewe föför a föri fän iten chon Israel.

Soukapwüng 2:23

Iei usun ewe Samol mi Lapalap a mwüt ngeni chon ekewe mwü pwe repwe nonometiu, nge esap müttir asürela, ir chokewe resap tolong fän nemenien Josua.

Soukapwüng 3:2

Popun chök an likitiir pwe epwe aiti ngeni ekewe pilon aramasen Israel wiwiin maun, fokun ngeni chokewe resap eti maun me lom.