Soukapwüng 21:6 - Chuukese Bible

⁶ Iwe, ekewe aramasen Israel ra tongei pwiir kewe chon ewe ainangen Peniamin o apasa, “Ikenai eu ainang a käriwu seni Israel.

Soukapwüng 21:6 Iomraidhean Croise

2. Samuel 2:26

Mürin, Apner a köla ren Joap, “Ifa usun, ach maunfengen epwe chök soposopola? Ifa usun, kosap silei pwe lesopolan feiengau echök? Inet kopwe üreni noum aramas pwe repwe ükütiu le tapweri pwiir?”

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Soukapwüng 11:35

Iwe, lupwen Jefta a küna nöün föpwül, a kamwei üfan o üra, “Osupwangei, nei föpwül, ka atatakisi letipei. En popun pwe riaföü mi lap a toriei. Pun üa fen eäni eu pwon ngeni ewe Samol mi Lapalap, nge üsap tongeni atai.”

Soukapwüng 21:15

Iwe, ekewe aramas ra tongei chon Peniamin, pun ewe Samol mi Lapalap a föri eu aimwü lefilen ekewe ainangen Israel.

Soukapwüng 21:5

Mürin, ekewe aramasen Israel ra ais, “Iö lein chon ekewe ainangen Israel esap feito lon ewe mwich me fän mesen ewe Samol mi Lapalap lon Mispa?” Pun ra eäni eu pwon mi aüchea fän akapel, pwe ätewe esap feito Mispa ren ewe Samol mi Lapalap epwe ninnila.

Soukapwüng 21:7

Met sipwe föri pwe epwe wor pwülüen chokewe mi chüen manau? Pun sa pwon fän akapel ngeni ewe Samol mi Lapalap pwe sisap ngeniir eman me lein nöüch föpwül pwe pwülüer.”