Soukapwüng 21:4 - Chuukese Bible

⁴ Nge sorotän ewe rän ekewe aramas ra pwätäkai, ra senätä eu rongen asor o eäni asoren kek me asoren kinamwe won.

Soukapwüng 21:4 Iomraidhean Croise

2. Samuel 24:18

Lon ewe chök ränin Kat a feito ren Tafit o üreni, “Kopwe feitä ren ewe lenien wichiwich umwun wiich än Arauna ewe re Jepus o senätä eu rongen asor ngeni ewe Samol mi Lapalap.”

2. Samuel 24:25

Mürin, Tafit a senätä eu rongen asor ngeni ewe Samol mi Lapalap o eäni asoren kek me asoren kinamwe won. Iei mine ewe Samol mi Lapalap a aüselinga ekewe tüngor fän iten ewe fanü, nge ewe mätter a ükütiu seni lon Israel.

1. King 8:64

Lon ewe chök ränin ewe king a apini lukalapen ewe leni lükün mwen imwen ewe Samol mi Lapalap. Iwe, ikenan a eäni ekewe asoren kek me asoren mongö, pwal ekewe kinikinin kiris seni ekewe asoren kinamwe, pokiten ewe rongen asor seni piras mi nom fän mesen ewe Samol mi Lapalap a men kükün fän iten ekei sokopaten asor meinisin.

Osea 5:15

Mürin üpwe feila seniir o likitirela tori repwe mefi ar tipis o küttaei. Lon ar riaföü repwe fokun küttaei.”

Tuteronomi 12:5

Nge oupwe feila ngeni ewe chök leni ewe Samol mi Lapalap ämi we Kot epwe filätä seni lein fanüen ämi kewe ainang meinisin, pwe aramas repwe fel ngeni ie, epwe pwal föri pwe lenian. Ikenan oupwe feila ie,

Ipru 13:10

Ekewe souasor mi angang lon ewe imwenfel seni mangaku esap wor ar pwüng ar repwe mongö seni ewe asor mi nom won ach rongen asor.

Soukapwüng 20:26

Mürin, ekewe aramasen Israel meinisin ra feila Petel. Ikenan ra mot o kechü fän mesen ewe Samol mi Lapalap o achuun lon ewe rän tori lekuniol, ra pwal eäni asoren kek me asoren kinamwe fän mesen ewe Samol mi Lapalap.

Soukapwüng 21:3

Iwe, ra apasa, “Äm Samol mi Lapalap, Koten Israel. Pwota a fis ei sokun lapalap lon Israel? Pwota eu ainang esap chüen nom lon Israel ikenai?”

Soukapwüng 6:24

Mürin, Kition a senätä eu rongen asor ngeni ewe Samol mi Lapalap ikenan o aita ngeni: Ewe Samol mi Lapalap i ewe Koten kinamwe. Iwe, tori ikenai ei rongen asor a chüen nom lon Ofra lon fanüen chon ewe eterekesin Apieser.

Soukapwüng 6:26

Kopwe senätä eu rongen asor ngeni ewe Samol mi Lapalap om we Kot won ungen ewe leni mi pöchökül o atettelöchü föün. Mürin kopwe angei ewe aruomanün ätemwänin kow o eäni asoren kek, nge kopwe eäni mwüch uluulun ewe anüfefin Asera kopwe pöküetiu.”

1. Samuel 7:17

Mürin, Samuel a liwiniti imwan lon Rama. Ikenan a pwal eäni kapwüng ngeni chon Israel. Iwe, a senätä eu rongen asor ngeni ewe Samol mi Lapalap lon Rama.