Soukapwüng 21:3 - Chuukese Bible

³ Iwe, ra apasa, “Äm Samol mi Lapalap, Koten Israel. Pwota a fis ei sokun lapalap lon Israel? Pwota eu ainang esap chüen nom lon Israel ikenai?”

Soukapwüng 21:3 Iomraidhean Croise

Kölfel 74:1

Ai Samol mi Lapalap, pwota ka pöütikeemila tori feilfeilachök? Pwota ka chök sosong ngeni noum kewe aramas?

Kölfel 80:12

Pwota ka ataetiu tittin kewe, pwe meinisin mi pwerela won ewe al ra kini uan?

Än Salomon Fos 19:3

Püsin än eman aramas tiparoch a aworato an feiengau, nge mürin a tip ngeni ewe Samol mi Lapalap.

Aisea 63:17

Äm Samol mi Lapalap, pwota ka mwüt ngenikem pwe aia tok seni om al kana, pwota ka atipeföreakem pwe aisap chüen niueituk? Kopwe liwinto fän iten noum kewe chon angang, ekewe ainang ka ainangeniir.

Jeremaia 12:1

Ai Samol mi Lapalap, lupwen üa uwato ai osukosuk fän mesom, a pwä pwe en ka pwüng. Nge iei üa mochen pwe sipwe kakapasfengen won pwüngün kapwüng. Pwota ekewe aramasangau ra pisekisekila? Pwota chokewe meinisin resap allükülük ra fefeitä?

Tuteronomi 29:24

Iwe, chon ekewe mwü meinisin repwe ais, ‘Pwota ewe Samol mi Lapalap a föri iei usun ngeni ewe fanü? Met popun a kon watte an song?’

Soukapwüng 21:2

Mürin ar maun, ekewe aramasen Israel ra feito Petel o nom ikenan fän mesen Kot tori lekuniol. Ra alapatä mwelier o fokun kechüengau.

Soukapwüng 21:4

Nge sorotän ewe rän ekewe aramas ra pwätäkai, ra senätä eu rongen asor o eäni asoren kek me asoren kinamwe won.