Soukapwüng 21:2 - Chuukese Bible

² Mürin ar maun, ekewe aramasen Israel ra feito Petel o nom ikenan fän mesen Kot tori lekuniol. Ra alapatä mwelier o fokun kechüengau.

Soukapwüng 21:2 Iomraidhean Croise

Keneses 27:38

Iwe, Esau a tüngormau ngeni saman we, “Ifa usun, a chök wor eu om feiöch, semei? Kose mochen kopwe pwal afeiöchüei.” Nge Esau a leüömong le kechü.

Josua 18:1

Mürin, unusen ewe mwichen aramasen Israel ra mwichefengen lon Silo o aüetä ewe imwenfe sen mangaku ikenan. Iwe, ewe fanü mi nom mwer a oola,

Soukapwüng 2:4

Lupwen nöün ewe Samol mi Lapalap we chon läng a üreni ekewe aramasen Israel meinisin ekei kapas, ekewe aramas ra leüömong le kechü.

Soukapwüng 20:18

Iwe, ekewe aramasen Israel ra feila Petel o aisini Kot, “Iö me leim epwe akomwen feila maun ngeni chon Peniamin?” Nge ewe Samol mi Lapalap a pälüeniir, “Chon ewe ainangen Juta repwe akomwen feila.”

Soukapwüng 20:26

Mürin, ekewe aramasen Israel meinisin ra feila Petel. Ikenan ra mot o kechü fän mesen ewe Samol mi Lapalap o achuun lon ewe rän tori lekuniol, ra pwal eäni asoren kek me asoren kinamwe fän mesen ewe Samol mi Lapalap.

Soukapwüng 21:12

Iwe, ra küna me lein ekewe chon Japes-kiliat ükükün föpükü föpwül resamwo tori mwän. Ra emwenireto ngeni ewe leni lon Silo mi nom lon ewe fanü Kanaan.

Soukapwüng 21:3

Iwe, ra apasa, “Äm Samol mi Lapalap, Koten Israel. Pwota a fis ei sokun lapalap lon Israel? Pwota eu ainang esap chüen nom lon Israel ikenai?”

1. Samuel 11:4

Lupwen ekewe chon künö ra tori Kipea än Saul telinimw, ra apworausa ei pworaus ngeni ekewe aramas. Mürin, ekewe aramas meinisin ra kechü fän leüömong.

1. Samuel 30:4

Mürin, Tafit me chokewe mi nom ren ra kechü, tori resap chüen pöchökül le kechü.