Soukapwüng 21:12 - Chuukese Bible

¹² Iwe, ra küna me lein ekewe chon Japes-kiliat ükükün föpükü föpwül resamwo tori mwän. Ra emwenireto ngeni ewe leni lon Silo mi nom lon ewe fanü Kanaan.

Soukapwüng 21:12 Iomraidhean Croise

Kölfel 78:60

A likitala lenian me lon Silo, ewe imw mangaku ia Kot a nom ie me lein ekewe aramas.

Jeremaia 7:12

Oupwe feila ren leniei we mi nom Silo, ewe ia üa akom le filätä pwe oupwe fel ngeniei ie. Oupwe nenengeni mine üa föri ngeni pokiten än ekewe aramasen Israel kewe föföringau.

Josua 18:1

Mürin, unusen ewe mwichen aramasen Israel ra mwichefengen lon Silo o aüetä ewe imwenfe sen mangaku ikenan. Iwe, ewe fanü mi nom mwer a oola,

Soukapwüng 20:18

Iwe, ekewe aramasen Israel ra feila Petel o aisini Kot, “Iö me leim epwe akomwen feila maun ngeni chon Peniamin?” Nge ewe Samol mi Lapalap a pälüeniir, “Chon ewe ainangen Juta repwe akomwen feila.”

Soukapwüng 21:11

Iei usun mine oupwe föri: Iteiten mwän me iteiten fefin mi pwüpwülü oupwe fokun aroserela.”

Soukapwüng 21:13

Mürin, unusen ewe mwich a tinala pworausen kinamwe ngeni ekewe chon Peniamin mi nom fän ewe achau lon Rimon.

Soukapwüng 21:8

Mürin ra ais, “Iö lein chon ekewe ainangen Israel esap feitä Mispa ren ewe Samol mi Lapalap?” Iwe, a pwä pwe esap wor eman seni Japes-kiliat a feito ren ewe leni o fiti ewe mwich.