Soukapwüng 21:10 - Chuukese Bible

¹⁰ Iei mine ewe mwich a tinala Japes-kiliat ükükün engol me ruungeröü mwän mi fokun pwora o allük ngeniir, “Oupwe feila o niela chon Japes-kiliat ren ketilas, oupwe pwal niela fefin me semirit.

Soukapwüng 21:10 Iomraidhean Croise

Numperis 31:17

Iei popun, iei oupwe niela iteiten ät me lein ekewe semirit, pwal iteiten fefin mi tori mwän.

Tuteronomi 13:15

oupwe fokun niela chon ewe telinimw ren ketilas. Oupwe ataela unusen ewe telinimw o niela chon pwal mönün lon ren ketilas.

Josua 7:24

Mürin, Josua me chon Israel meinisin ra angei Akan nöün Sera we mwän, ewe silifer, ewe owokot me ewe fochun kolt, pwal nöün mwän me fefin, nöün ätemwänin kow, nöün aas me sip, imwan imw mangaku me meinisin mine a eäni. Iwe, ra uweeretä ren ewe lemolun Akor.

Soukapwüng 21:5

Mürin, ekewe aramasen Israel ra ais, “Iö lein chon ekewe ainangen Israel esap feito lon ewe mwich me fän mesen ewe Samol mi Lapalap lon Mispa?” Pun ra eäni eu pwon mi aüchea fän akapel, pwe ätewe esap feito Mispa ren ewe Samol mi Lapalap epwe ninnila.

Soukapwüng 21:8

Mürin ra ais, “Iö lein chon ekewe ainangen Israel esap feitä Mispa ren ewe Samol mi Lapalap?” Iwe, a pwä pwe esap wor eman seni Japes-kiliat a feito ren ewe leni o fiti ewe mwich.

Soukapwüng 21:9

Pun lupwen ra alea iteiten ekewe aramas, a pwä pwe esap wor eman chon Japes-kiliat a nom.

Soukapwüng 5:23

‘Oupwe anümamaua chon ewe telinimw Meros,’ nöün ewe Samol mi Lapalap chon läng a apasa. ‘Oupwe fokun anümamaueer, pun resap feito pwe repwe alisi ewe Samol mi Lapalap le maun ngeni ekewe chon pwora.’

1. Samuel 11:7

Mürin a angei ruoman ätemwänin kow, a pökükisiretiu o tinifetaleer ngeni chon künö lemenen unusen ewe fanü Israel, pwe repwe asilefeili, “Iö esap tapwela mürin Saul me Samuel le feila maun, iei usun mine epwe fis ngeni nöün ätemwänin kow.” Mürin, eu niuokus me ren ewe Samol mi Lapalap a tori ekewe aramas, pwe ra feito fän tipeeu pwe repwe maun.

1. Samuel 15:3

Iei kopwe feila, kopwe maun ngeni chon Amalek o wesewesen ataela meinisin mine ar. Kosap achikeer, nge kopwe niela mwän me fefin, semirit me ekewe mi chüen oupw, pwal nöür ätemwänin kow me sip, nöür kamel me aas.’”