Soukapwüng 21:1 - Chuukese Bible

¹ Iwe, lupwen ekewe re Israel ra nom Mispa, ra pwon fän akapel pwe esap wor eman me leir epwe apwüpwülüa nöün föpwül ngeni eman re Peniamin.

Soukapwüng 21:1 Iomraidhean Croise

Än Salomon Afalafal 5:2

Kosap awakai, kosap pwal mwökütükai lon lelukom pwe kopwe müttir le fos fän mesen Kot, pun Kot a nom won läng, nge en ka nom won fanüfan. Iei mine kosap achomonga om kapas.

Jeremaia 4:2

are oupwe pwon fän akapel itei fän let, pwüng me wenechar, mürin chon ekewe mwü repwe kütta ar feiöch me rei, repwe pwal mwareitiei.”

Jeremaia 40:6

Iwe, Jeremaia a feila ren Ketalia nöün Aikam we lon Mispa o nom ren ekewe aramas mi chüen nom lon ewe fanü.

Markus 6:23

A pwal allükülükü an pwon fän akapel, “Meinisin mine ka tüngor üpwe ngonuk, inamwo ika esopun mwüi.”

Föför 23:12

Lesosorun sorotän ewe rän ekoch chon Juta ra chufengen o föri eu raw. Ra atolongeer lon eu pwon mi fis fän akapel, pwe resap mongö ika ün och tori ar repwe niela Paulus.

Nöün Paulus Toropwe ngeni ekewe Souläng lon Rom 10:2

Üa tongeni pwärätä usur, pwe ra fokun tiliken le angang ngeni Kot, nge ar tiliken le angang esap longolong won ar silei usun mine a let.

Soukapwüng 20:1

Mürin, ekewe aramasen Israel meinisin ra feito seni ewe telinimw Tan mi nom efeng me Persepa mi nom ör, pwal seni ewe fanü Kiliat mi nom ötiu. Ra chufengen fän tipeeu fän mesen ewe Samol mi Lapalap me lon Mispa.

Soukapwüng 20:10

Iwe, sipwe filätä engol mwän seni ipükü me lein ekewe ainangen Israel meinisin, pwal ipükü mwän seni engeröü, nge engeröü mwän seni engol ngeröü, repwe uwato mongö fän iten ekewe aramas mi feila pwe repwe maun ngeni chon Kipea lon Peniamin, pokiten ewe föför mi fokun ngau ra föri lon Israel.”

Soukapwüng 20:48

Mürin, ekewe re Israel ra kul o maun ngeni ekewe chon Peniamin. Ra niela aramas me man ren ketilas, pwal meinisin mine ra küna. Iwe, ra pwal kenala ekewe telinimw meinisin ra tolong lon.

Soukapwüng 20:8

Iwe, ekewe aramas meinisin ra ütä fän tipeeu o apasa, “Esap wor eman leich epwe feila lon imwan, esap fokun wor eman leich epwe liwiniti lenian.

Soukapwüng 21:18

Nge sisap tongeni apwüpwülüa ngeniir nöüch föpwül, pun sa pwon fän akapel pwe iö leich a apwüpwülüa nöün föpwül ngeni ekewe chon Peniamin epwe anümamau.”

Soukapwüng 21:22

Nge lupwen semer ika mongeer repwe feito o anini ngenikemi, ämi oupwe üreniir, ‘Oupwe mwütiretä ngenikem fän kirikiröch. Pun äm aisap angang pwülüem fän iten eman me eman leim lon maun. Nge ämi ousap pwal ngenikem nöümi föpwül. Pun are oupwe föri iei usun, oupwe tipis ren ämi atai ewe pwon.’”

Soukapwüng 21:5

Mürin, ekewe aramasen Israel ra ais, “Iö lein chon ekewe ainangen Israel esap feito lon ewe mwich me fän mesen ewe Samol mi Lapalap lon Mispa?” Pun ra eäni eu pwon mi aüchea fän akapel, pwe ätewe esap feito Mispa ren ewe Samol mi Lapalap epwe ninnila.

Soukapwüng 21:7

Met sipwe föri pwe epwe wor pwülüen chokewe mi chüen manau? Pun sa pwon fän akapel ngeni ewe Samol mi Lapalap pwe sisap ngeniir eman me lein nöüch föpwül pwe pwülüer.”

1. Samuel 14:24

Iwe, ekewe re Israel ra weires lon ewe ränin, pun Saul a eäni eu pwon fän akapel ngeni ekewe aramas o apasa, “Epwe anümamau ewe mwän mi mongö och me mwen lekuniol tori üpwe ngeni ekewe chon oputaei chappen ar föför.” Iei mine ekewe sounfiu resap neni och mongö.