Soukapwüng 20:9 - Chuukese Bible

⁹ Iei usun mine sipwe föri ngeni Kipea: Sipwe feila o maun ngeni Kipea fän pwüngün üttüt.

Soukapwüng 20:9 Iomraidhean Croise

1. Kronika 24:5

Pokiten mi wor meilapen ewe leni mi pin, pwal nöün Kot kewe chon angang mi lap lein ekewe mwirimwirin Eleasar, pwal lein ekewe mwirimwirin Itamar, iei mine ra awisa ngeni eu me eu mwich an angang fän üttüt.

Nehemia 11:1

Iwe, ekewe souemwenin aramas ra nom lon Jerusalem. Nge ekewe lusun aramas ra üttüt won eu famili me lein engol famili pwe epwe feito o nonom lon Jerusalem ewe telinimw mi pin, nge ekewe tiu lusun repwe nonom lon en me an telinimw.

Än Salomon Fos 16:33

Aramas ra asisil won mettoch, nge ewe Samol mi Lapalap a wesewesen filätä pwüngün.

Sona 1:7

Mürin, ekewe säla ra kapasfengen lefiler, “Ou etto, sipwe asisil pwe sipwe silei iö leich a atoto woch ei feiengau.” Nge lupwen ra asisil, a pwä pwe Sona.

Föför 1:26

Mürin ra föri ewe angangen üttüt won ekewe ruoman mwän. Iwe, ra ütti Matias. Ätei a pach ngeni ewe mwichen ekewe engol me ruoman soukünö.

Josua 14:2

Iwe, ra angei fanüer ren üttüt, usun ewe Samol mi Lapalap a fen allük fän iten ekewe tiu esop ainang.

Soukapwüng 20:10

Iwe, sipwe filätä engol mwän seni ipükü me lein ekewe ainangen Israel meinisin, pwal ipükü mwän seni engeröü, nge engeröü mwän seni engol ngeröü, repwe uwato mongö fän iten ekewe aramas mi feila pwe repwe maun ngeni chon Kipea lon Peniamin, pokiten ewe föför mi fokun ngau ra föri lon Israel.”

Soukapwüng 20:8

Iwe, ekewe aramas meinisin ra ütä fän tipeeu o apasa, “Esap wor eman leich epwe feila lon imwan, esap fokun wor eman leich epwe liwiniti lenian.