Soukapwüng 20:7 - Chuukese Bible

⁷ Ämi aramasen Israel meinisin mi mwichfengen ikei, oupwe pwüngüpwüngfengen o apasätä pwüngün ei mettoch.”

Soukapwüng 20:7 Iomraidhean Croise

Soukapwüng 19:30

Iwe, meinisin mi küna ei ra apasa, “Ei sokun mettoch esamwo fis. Esamwo pwä ei sokun föför seni ewe fansoun ekewe aramasen Israel ra towu seni Isip tori ikenai. Oupwe ekieki usun, oupwe pwüngüpwüngfengen o apasätä mefiemi won.”

James 1:5

Nge are eman leimi a osun tipachem, epwe tüngor ngeni Kot, iwe, i epwe fang ngeni, pun Kot a fangafangöch ngeni aramas meinisin, nge esap laleiti eman.

1. Korint 5:6

Esap öch ngenikemi pwe oupwe lamalamtekia. Ousap silei pwe ekis chök iis a apwola unusen eu pilawa?

1. Korint 5:1

Iwe, aramas ra apworausa pwe mi wor föförün lisowu lefilemi, eu sokun föför mi fokun ngau, pwe esap mwo nge fis ren ekewe chon lükün lamalam. Eman a asile ngeniei, pwe mi wor eman mwän a kon ren pwülüen saman.

Än Salomon Fos 24:6

Kopwe akomwen föri om akot me mwen om kopwe feila ngeni maun, nge ia a wor chomong chon öüröür ie, a wor win.

Än Salomon Fos 20:18

Kopwe föri om akot wesin om angei öüröürom. Are kopwe feila maun, kopwe akomwen angei om öüröür.

Josua 9:14

Iwe, ekewe re Israel ra etiwa mine ra ngeniir o mongö, nge resap akomwen ais öüröürer me ren ewe Samol mi Lapalap.

Tuteronomi 4:6

Oupwe aleasochisiir o apwönüretä, pun ren ei epwe pwä ngeni chon ekewe mwü ämi tipachem me mirit. Iwe, lupwen repwe rongorong ekei allük meinisin, repwe apasa, ‘Ellet, chon ei mwü mi lapalap eu mwichen aramas mi tipachem o mirit.’

Soukapwüng 20:8

Iwe, ekewe aramas meinisin ra ütä fän tipeeu o apasa, “Esap wor eman leich epwe feila lon imwan, esap fokun wor eman leich epwe liwiniti lenian.