Soukapwüng 20:2 - Chuukese Bible

² Iwe, ekewe souemwenin chon ekewe ainangen Israel meinisin ra feito lon ewe mwich än nöün Kot kewe aramas. A pwal wor ükükün föpükü ngeröü sounfiu fän nöür ketilas.

Soukapwüng 20:2 Iomraidhean Croise

2. Samuel 14:13

Iwe, ewe fefin a apasa, “Nge pwota chök ka akota ei sokun mettoch mi mwäl ngeni nöün Kot aramas? Lupwen ka apasa ekei kapas, en ewe king ka püsin atipisuk, pun kosap mwüt ngeni noum we ka asüela pwe epwe liwinto.

2. Samuel 24:9

Iwe, Joap a ngeni ewe king unusen iteiten ekewe aramas. Lon Israel mi wor walupükü ngeröü mwän mi mwoot o sile maun fän ketilas, nge lon Juta mi wor limepükü ngeröü.

2. King 3:26

Lupwen ewe kingen Moap a küna pwe epwe kuf lon ewe maun, a angei füpükü mwän mi wor nöür ketilas, pwe epwe süwu me akawenewenen ewe ia ewe kingen Etom a nom ie, nge ese tongeni.

Josua 22:12

Nge lupwen ekewe aramasen Israel ra rong ei pworaus, unusen ar mwich a chufengen lon Silo pwe repwe maun ngeniir.

Soukapwüng 20:15

Iteiten chon ewe ainangen Peniamin mi kö ngeni maun ra feito seni ar kewe telinimw lon ewe ränin ükükün rüe me wonungeröü mwän mi sile maun fän ketilas. Mi pwal wor ükükün füpükü mwän seni Kipea mi kefil.

Soukapwüng 20:17

Nge lükün ekei re Peniamin mi wor ükükün föpükü ngeröü mwän seni ekewe re Israel, ir meinisin sounfiu mi sile maun fän ketilas.

Soukapwüng 20:3

Nge ekewe chon Peniamin ra rong pwe ekewe aramasen Israel ra feila Mispa. Iwe, ekewe aramasen Israel ra üreni ewe mwän seni ewe ainangen Lefi, “Kopwe apworausa ngenikem usun ei föför mi fokun ngau a fis.”

Soukapwüng 8:10

Iwe, Sepa me Salmuna ra nom Karkor ren nöür sounfiu, ina epwe ükükün engol me limungeröü mwän, ikkei ir lusun ewe mwichen sounfiu seni ötiu. Pun ra mäla ükükün ipükü rüe ngeröü sounfiu mi sile maun won ketilas.

1. Samuel 11:8

Iwe, lupwen Saul a achufengeniir o aleaniir me lon Pesek, iteiten ekewe re Israel ülüpükü ngeröü, nge iteiten ekewe re Juta ilik ngeröü.