Soukapwüng 20:1 - Chuukese Bible

¹ Mürin, ekewe aramasen Israel meinisin ra feito seni ewe telinimw Tan mi nom efeng me Persepa mi nom ör, pwal seni ewe fanü Kiliat mi nom ötiu. Ra chufengen fän tipeeu fän mesen ewe Samol mi Lapalap me lon Mispa.

Soukapwüng 20:1 Iomraidhean Croise

2. Samuel 19:14

Ren ei kapas Tafit a liapeni leluken ekewe re Juta meinisin pwe ra fokun tipeeu. Iwe, ra tinala pworaus ren ewe king o apasa, “Kopwe liwinto, ämi me noum kewe aramas meinisin.”

2. Samuel 2:9

Ikenan Apner a seikätä Isiposet pwe epwe kingen Kiliat, Aser, Jesreel, Efraim me Peniamin, pwal unusen Israel.

2. Samuel 24:2

Iei mine ewe king a üreni Joap me ekewe meilapen mwichen sounfiu mi nom ren, “Oupwe feila lemenen ekewe ainangen Israel meinisin seni Tan tori Persepa o angei iteiten ekewe aramas, pun üa mochen silei iteiter.”

2. Samuel 3:10

Üpwe angei ewe wisen king seni Saul me mwirimwirin kana o seikätä Tafit pwe epwe king won Israel me Juta, pwe epwe nemenem seni Tan tori Persepa.”

1. King 5:5

Iei mine üa ekiekin aüetä eu imwenfel fän iten ewe Samol mi Lapalap ai we Kot, usun i a fen üreni Tafit semei we, ‘Noum mwän üpwe seikätä pwe epwe siwiliik lon wisom wisen king, ätei epwe aüetä eu imwenfel fän itei.’

2. King 25:23

Nge lupwen ekewe meilap me nöür kewe sounfiun Juta mi op lemäl ra rong, pwe ewe kingen Papilon a seikätä Ketalia pwe epwe kepina, ra feito meinisin ren Ketalia lon Mispa. Ikkei iten ekewe meilap: Ismael nöün Netania, Johanan nöün Karea, Seraia nöün Tanumet seni Netofat, me Jasania seni Maka.

1. Kronika 21:2

Iei mine Tafit a üreni Joap me ekewe meilapen mwichen sounfiu, “Oupwe feila o angei iteiten chon Israel seni Persepa tori Tan, mürin oupwe asileto rei pwe üpwe silei iteiter.”

2. Kronika 30:5

Iei mine ra tipeeufengen pwe repwe asilefeili lemenen Israel meinisin seni Persepa mi nom ör tori Tan mi nom efeng, pwe ekewe aramas repwe feito Jerusalem o föri ewe Pasofer ngeni ewe Samol mi Lapalap ewe Koten Israel. Pun me mwan esap wor eu mwichemongun aramas mi föri ewe Pasofer usun pwüngün akotun.

Esra 3:1

Iwe, lupwen a tori ewe afisuen maram, nge ekewe chon Israel ra nonom lon ar kewe telinimw, ra tipeeu le chufengen lon Jerusalem.

Nehemia 11:27

Hasar-sual me Persepa fiti wisoposopun kewe,

Nehemia 8:1

Iwe, lupwen a tori ewe afisuen maram, nge ekewe chon Israel ra nonom lon ar kewe telinimw, ir meinisin ra mwichefengen fän tipeeu lon Jerusalem lon ewe leni mi amassawa mwen ewe Asamalapen Koluk. Iwe, ra üreni Esra ewe sousile allük pwe epwe uwato än Moses we puken allük, ia a mak ie ekewe allük ewe Samol mi Lapalap a ngeni chon Israel.

Jeremaia 40:6

Iwe, Jeremaia a feila ren Ketalia nöün Aikam we lon Mispa o nom ren ekewe aramas mi chüen nom lon ewe fanü.

Numperis 32:1

Iwe, chon ekewe ainangen Rupen me Kat a wor chomong nöür pwiin kow. Iwe, ra küna pwe won ewe fanü Jaser pwal won ewe fanü Kiliat ra mürina le foleni kow.

Numperis 32:40

Iwe, Moses a ngeni ekewe mwirimwirin Makir ewe fanü Kiliat. Iwe, ra nonom lon.

Josua 15:38

Tilean, Mispa me Jokteel,

Josua 17:1

Iwe, iei ewe fanü mi ainet ngeni chon ewe ainangen Manasa nöün Josef mwänichi. Nge Makir nöün Manasa mwänichi semen Kiliat, a inetini Kiliat me Pasan ra nom peliötiuen ewe chanpupu Jortan, pun i eman chon maun mi iteföüla.

Josua 18:26

Mispa, Chefira me Mosa,

Josua 22:12

Nge lupwen ekewe aramasen Israel ra rong ei pworaus, unusen ar mwich a chufengen lon Silo pwe repwe maun ngeniir.

Josua 22:9

Mürin, chon ekewe ainangen Rupen me Kat pwal ewe esopun ainangen Manasa ra imwüfesen me ekewe aramasen Israel me lon Silo lon ewe fanü Kanaan o liwiniti lenier lon ewe fanü Kiliat. Pun iei wesewesen fanüer ra fanüeni fän än ewe Samol mi Lapalap allük ngeni Moses.

Josua 4:13

Iwe, ina epwe ükükün faik ngeröü mi molotä fän ar pisekin maun, ra pwerela pekila tori ewe maasiesin Jeriko fän mesen ewe Samol mi Lapalap, pwe repwe maun.

Soukapwüng 10:17

Lupwen chon Amon ra amolätä ngeni maun o nonom lon Kiliat, ekewe aramasen Israel ra pwal chufengen o nonom lon Mispa.

Soukapwüng 11:11

Iei mine Jefta a eti ekewe souakomwen Kiliat, nge ekewe aramas ra seikätä pwe i epwe nemeniir o emweniir. Iwe, Jefta a apasasefäli ekei kapas meinisin me fän mesen ewe Samol mi Lapalap me lon Mispa.

Soukapwüng 11:34

Mürin, Jefta a liwiniti imwan lon Mispa. Nge nengeni, nöün föpwül a towu pwe epwe churi fän pisekin ettik me pworuk. Iwe, neminewe nöün aleman, esap wor eman nöün mwän ika fefin lükün.

Soukapwüng 18:29

Iwe, ra aita ngeni ewe telinimw Tan, iten mwirimwirin ar we lewo nöün Israel we. Nge iten ewe telinimw me mwan Lais.

Soukapwüng 20:11

Iei usun ekewe re Israel ra chufengen fän tipeeu pwe repwe maun ngeni ewe telinimw.

Soukapwüng 20:18

Iwe, ekewe aramasen Israel ra feila Petel o aisini Kot, “Iö me leim epwe akomwen feila maun ngeni chon Peniamin?” Nge ewe Samol mi Lapalap a pälüeniir, “Chon ewe ainangen Juta repwe akomwen feila.”

Soukapwüng 20:2

Iwe, ekewe souemwenin chon ekewe ainangen Israel meinisin ra feito lon ewe mwich än nöün Kot kewe aramas. A pwal wor ükükün föpükü ngeröü sounfiu fän nöür ketilas.

Soukapwüng 20:26

Mürin, ekewe aramasen Israel meinisin ra feila Petel. Ikenan ra mot o kechü fän mesen ewe Samol mi Lapalap o achuun lon ewe rän tori lekuniol, ra pwal eäni asoren kek me asoren kinamwe fän mesen ewe Samol mi Lapalap.

Soukapwüng 20:8

Iwe, ekewe aramas meinisin ra ütä fän tipeeu o apasa, “Esap wor eman leich epwe feila lon imwan, esap fokun wor eman leich epwe liwiniti lenian.

Soukapwüng 21:5

Mürin, ekewe aramasen Israel ra ais, “Iö lein chon ekewe ainangen Israel esap feito lon ewe mwich me fän mesen ewe Samol mi Lapalap lon Mispa?” Pun ra eäni eu pwon mi aüchea fän akapel, pwe ätewe esap feito Mispa ren ewe Samol mi Lapalap epwe ninnila.

1. Samuel 10:17

Iwe, Samuel a amwichafengeni ekewe aramasen Israel fän mesen ewe Samol mi Lapalap me lon Mispa

1. Samuel 3:20

Iei mine chon Israel meinisin seni Tan tori Peersepa ra silei pwe Samuel wesewesen eman nöün ewe Samol mi Lapalap soufos.