Soukapwüng 2:4 - Chuukese Bible

⁴ Lupwen nöün ewe Samol mi Lapalap we chon läng a üreni ekewe aramasen Israel meinisin ekei kapas, ekewe aramas ra leüömong le kechü.

Soukapwüng 2:4 Iomraidhean Croise

Esra 10:1

Iwe, lupwen Esra a iotek o pwärätä ekewe tipis, lupwen a kechü o chapala won pwül me mwen ewe imwen Kot, eu mwichemongun mwän, fefin me semirit seni Israel ra mwicheto ren. Ir meinisin ra seningüngü le kechü.

Än Salomon Fos 17:10

Eu kapasen apwüng ngeni eman mi mirit a watte eselipäan, lap seni eselipäen ipükü wichiwich ngeni eman mi tiparoch.

Jeremaia 31:9

Repwe feito fän kechü, repwe iotek lupwen üpwe aliwinireto. Üpwe emwenirela ünükün chanpupu, repwe fetal won efoch al mi wenechar, ia resap chepetek me ie. Pun üa eman sam ngeni Israel, nge Efraim nei mwänichi.”

Sowel 2:12

Iwe, ewe Samol mi Lapalap a apasa, “Iei otun oupwe kul ngeniei seni unusen letipemi fän echikefel, fän kechü me ngüngüres.

Sekaraia 12:10

Üpwe tinato won ekewe mwirimwirin Tafit me chon Jerusalem eman ngün mi amefi ngeni aramas usun ewe ümöümöchün Kot me eman ngün mi atufichiir lon ar iotek. Iwe, repwe nenengeni ätewe ra posu o ngüngüres won, usun eman a ngüngüres won nöün aleman, repwe kechüengau won, usun eman a kechüengau won nöün mwänichi.

Lukas 6:21

Oua feiöch ämi mi echik lon ei fansoun, pun oupwe mötüla. Oua feiöch ämi mi kechü lon ei fansoun, pun oupwe fokun pwapwa.

Lukas 7:38

Iwe, a feito lükisökürün Jesus o fotopwäsuketiu arun pechen, a kechü o asupwätiu chönün mesan won pechen Jesus. Mürin a talüpwasei pechen Jesus ren meten möküran, a mitiri pechen o ninätiu ewe lö won.

2. Korint 7:10

Pun ewe letipeta me ren Kot a atoto ekieksefäl mi emweni ngenikich ach sipwe küna manau, nge esap wor liamam lon. Nge ewe letipeta me ren fanüfan a atoto mäla.

James 4:9

Oupwe letipeta, oupwe kechü o ngüngüres. Oupwe siwili ämi takir ngeni kechü, pwal ämi pwapwa ngeni lolilen!

Soukapwüng 2:3

Iei mine üa apasa pwe üsap asüela chon ei fanü me mwemi. Ir repwe ariaföüükemi, nge ar kewe kot repwe eu lenien likatup ngenikemi.”

Soukapwüng 2:5

Iwe, ra aita ngeni ewe leni Pokim . Ikenan ra asor ngeni ewe Samol mi Lapalap.

1. Samuel 11:4

Lupwen ekewe chon künö ra tori Kipea än Saul telinimw, ra apworausa ei pworaus ngeni ekewe aramas. Mürin, ekewe aramas meinisin ra kechü fän leüömong.

1. Samuel 7:6

Iei mine ra mwichfengen lon Mispa. Iwe, ra üfi koluk o ninätiu me mwen ewe Samol mi Lapalap, ra pwal echikefel lon ewe ränin o pwärätä, “Äm aia tipis ngeni ewe Samol mi Lapalap.” Iwe, Samuel a soukapwüngün Israel lon Mispa.