Soukapwüng 2:3 - Chuukese Bible

³ Iei mine üa apasa pwe üsap asüela chon ei fanü me mwemi. Ir repwe ariaföüükemi, nge ar kewe kot repwe eu lenien likatup ngenikemi.”

Soukapwüng 2:3 Iomraidhean Croise

Kölfel 106:36

Ra fel ngeni ar kewe uluulun anümwäl, nge ekewe uluulun anümwäl ra wiliti eu likatup ngeniir.

Ekistos 23:33

Iwe, ousap mwüt ngeniir pwe repwe nonom lon fanüemi, pwe resap atupukemilong lon tipis. Pun ika oupwe fel ngeni ar kewe kot, epwe fokun eu lenien likatup ngenikemi.”

Ekistos 34:12

Iwe, oupwe afälikemi pwe ousap föri eu pwon ngeni chon ewe fanü ia oupwe feila ie, pwe resap wiliti eu lenien likatup ngenikemi.

Numperis 33:55

Nge are ousap asüela chon ewe fanü me mwemi, chokewe oua mwüt ngeniir pwe repwe nonom repwe usun chök och mökün mettoch mi ken lon mesemi, pwal usun chök iräfölüföl lepekimi. Iwe, repwe ariaföüükemi lon ewe fanü ia oupwe nonom ie.

Tuteronomi 7:16

Iwe, oupwe arosala ekewe aramas meinisin ewe Samol mi Lapalap ämi we Kot epwe atolongeer fän nemeniemi. Ousap tongeer, ousap pwal fel ngeni ar kewe kot, pun ei epwe eu lenien likatup ngenikemi.

Josua 23:13

oupwe fokun silei pwe ewe Samol mi Lapalap ämi we Kot esap chüen asüela chon ekei mwü me mwemi. Nge ir repwe afeiengau ngenikemi usun chök eu lenien likatup ika eu sär, pwal usun chök metekin efoch wokun wichiwich eman a wichi ngeni sökürümi ika efoch fölün irafölüföl lon mesemi, tori oupwe rosola seni ewe fanü mi mürina, ewe Samol mi Lapalap ämi we Kot a ngenikemi.

Soukapwüng 2:21

seni ikenai üsap chüen asüela me mwer chon ekewe mwü Josua a likitiir, lupwen a mäla.

Soukapwüng 2:4

Lupwen nöün ewe Samol mi Lapalap we chon läng a üreni ekewe aramasen Israel meinisin ekei kapas, ekewe aramas ra leüömong le kechü.

Soukapwüng 3:6

Iwe, ekewe chon Israel ra angei nöür kewe föpwül pwe pwülüer, nge ra apwüpwülüa nöür föpwül ngeni nöün chon ekewe mwü alüal, ra pwal fel ngeni ar kewe kot.

Soukapwüng 8:27

Iwe, Kition a föri seni ewe kolt echö üf itan efot o iseni lon an telinimw itan Ofra. Iwe, chon Israel meinisin ra likitala Kot o fel ngeni ewe efot ikenan. Ewe efot a pwal wiliti eu lenien likatup ngeni Kition me an famili.